• Юмын Кугыжаныш кушто верланен? (1)
• Кӧ тудын Кугыжаже? (2)
• Кугыжа дене пырля эше иктаж-кӧ вуйлата мо? Тыге гын, нуно мынярын улыт? (3)
• Ме пытартыш кечылаште илена манме кушечын коеш? (4)
• Юмын Кугыжаныш айдеме тукымлан ончыкыжым мом ышта? (5—7)

¹ Мланде ӱмбалне улмыжо годым Исус шке почеш кайше-влакшым Юмын Кугыжаныш толжо манын кумалаш туныктен. Кугыжаныш — тиде правительстве, кудын дене кугыжа вуйлата. Юмын Кугыжаныш — ойыртемалтше правительство. Тудо каваште вераҥын да мланде ӱмбал дене вуйлаташ тӱҥалеш. Кугыжаныш Юмын лӱмжым волгалтара. Юмын кумылжо каваште гына огыл, но мланде ӱмбалнат шукталт шогымашым тудо конда (Матвей 6:9, 10).

² Шке Кугыжанышыжын Кугыжажлан Юмо Исус лиеш манын сӧрен (Лука 1:30—33). Мланде ӱмбалне улмыжо годым Исус шкенжым поро, чыным ыштыше, чыла шот денат моткоч сай Вуйлатыше лиеш манын ончыктен. Кавашке пӧртылмек Исус Юмын Кугыжаныш Кугыжан тронышкыжо вигак шинчын огыл (Еврей-влак 10:12, 13). Сӧрымо озаланымашым Иегова Исуслан 1914-ше ийыште пуэн. Тиде жап гыч Исус Иегован шогалтыме кавасе Кугыжа лийын (Данилын кнагаже 7:13, 14).

³ Тылеч посна, Иегова икмыняр ӱшанле пӧръеҥ да ӱдырамаш-влакым мланде гыч кавашке куснашлан ойырен налын. Нуно кугыжа-влак, судья, священник-влак лийыт да Исус дене пырля айдеме тукымым вуйлаташ тӱҥалыт (Лука 22:28—30; Почмаш 5:9, 10). Кугыжанышыш пурышо шкенжын пырля вуйлатыше-влакшым Исус "изи кӱтӱ“ манын лӱмден. Нунын числашт — 144 000 (Лука 12:32; Почмаш 14:1—3).

⁴ Кугыжа лиймекше Исус Сотанам да тудын осал суксо-влакшым кава гыч мланде ӱмбаке поктен колтен. Теве молан 1914-ше ий гыч тӱҥалын мланде ӱмбалне илыш путырак начарештын (Почмаш 12:9, 12). Сар-влак, шужымаш, кумдан шарлыше чер-влак, законым пудыртымо шукеммаш — чыла тиде "палын“ ужашышт Исусын вуйлатымашыжым да кызытсе системын пытартыш кечылам илен эртарымыжым ончыктат (Матвей 24:3, 7, 8, 12; Лука 21:10, 11; 2. Тимофей 3:1—5).

⁵ Кузе кӱтӱчӧ шорыкым каза дечын ойыркала, тыгак Исус вашке еҥ-влакым ойырен судитлаш тӱҥалеш. «Шорык-влак» — тиде шкеныштым тудын ӱшанле калык улмыштым ончыктышо-влак. Нунылан мланде ӱмбалне курымашлык илыш пуалтеш. «Каза-влак» — тиде Юмын Кугыжанышым налдыме-влак (Матвей 25:31—34, 46). Вашке ончыкыжым каза дене таҥастарыме чыла еҥ-влакым Исус пытара (2. Фессалоникиец-влак 1:6—9). Тый Исусын «шорык-влак» коклаштыже лийнет гын, тыланет Кугыжаныш нерген уверым колышташ да пален налмет почеш ышташ кӱлеш (Матвей 24:14).

Исусын вуйлатымыже годым ужмошудымаш да ончылгочак йоҥылыш шонкалымаш огеш лий.

⁶ Кызыт мланде шуко эл-кундемлан шеледалтше. Кажне элыште — шке правительстве. Чӱчкыдынак калык-влак икте-весышт ваштареш кредалыт. Но чыла калыкын правительствыжым Юмын Кугыжаныш алмашта. Тиде правительстве, кудо уло мланде дене шкетын гына вуйлаташ тӱҥалеш (Данилын кнагаже 2:44). Тудын годым сар, законым пудыртымаш, ӧкымлымаш огеш лий. Чыла еҥ-влак келшен да ик ой дене илаш тӱҥалыт (Михейын кнагаже 4:3, 4).

⁷ Исусын Тӱжем ий жап Вуйлатымашыже годым ӱшанле еҥ-влак чыла шот денат йӧршын сай лийыт, а мланде райыш савырна. Тиде тӱжем ийын пытымашыштыже Исус, мом тудын дечын Юмо йодын, чыла шукта. Вара тудо Кугыжанышым Ачажлан мӧҥгеш пуа (1. Коринфян-влак 15:24). Юмын Кугыжанышын мом ыштышашыже нерген молан тыланет шке йолташет да лишыл-влакетлан каласкалаш огыл?