• Мо сайым пален налметым молан калыклан каласкалаш кӱлеш? (1)
• Кӧлан тиде поро уверым каласкалаш лиеш? (2)
• Кузе тыйын шкендым кучымашет еҥ-влак ӱмбак шаркалалтын кертеш? (2)
• Кунам погынымаш дене пырля Юмо нерген каласкалаш тӱҥалаш лиеш? (3)

¹ Кызытсе жаплан тый шуко сайым Библий гыч пален налынат. Тиде палымаш христианлыксе уш-акылым вияҥдаш тыйым таратышаш (Ефесян-влак 4:22—24). Курымешлык илышыш шуашлан библийысе шинчымашым налаш пеш кӱлешан (Иоанн 17:3). Адакшым моло еҥ-влакланат утаралт кодашлан поро уверым колаш кӱлеш. Чыла чын христиан-влак молыланат шке пален налмыштым каласкалышаш улыт. Тидым Юмо кӱштен (Римлян-влак 10:10; 1. Коринфян-влак 9:16; 1. Тимофей 4:16).

² Чылам, мом сайым тый пален налынат, лишылет-влаклан каласкалаш тӱҥалын кертат. Тидын нерген шке ешетлан, таҥет-влаклан, школысо йолташет да пырля пашам ыштыше-влакетлан каласкале. Тыгодым поро да чытыше лий (2. Тимофей 2:24, 25). Шарне, шукыж годым еҥ-влак утларакшым мо нерген ойлымым огыл колыштыт, а айдемын койышыжым ончат. Сандене лач тыйын шкендым сай кучымашет тыйын каласкалыме увер деке еҥ-влакым кумылаҥден кертеш (Матвей 5:16; 1. Петрын 3:1, 2, 16).

³ Жап эртымек тыйат илыме районыштет улшо Иегован Свидетельже-влакын погынымашышт дене пырля, Юмо нерген каласкалаш тӱҥалын кертат. Тиде христианлык корнын кӱлешан ужашыже (Матвей 24:14). Могай куанле, кунам иктаж-кӧлан Иегован служитлышыже лияш да курымешлык илышым налаш полшен кертат! (1. Фессалоникиец-влак 2:19, 20).