1. Йӧраташ ӱжеш Иегова,

Чапле корным ончыкта.

Туныктен шога тыматлын,

Кажным порын тӧрлата.

Лишылнам йӧратена гын,

Юмымат йӧратена.

Тек мемнан гоч тиде койыш

Поро тӱсшым ончыкта.

2. Юмын кумылжым шукташ лач

Тарата йӧратымаш.

Тудо чытыше да поро,

Чынлан веле йывырта,

Ок кӧране, ок моктане,

Ок кугешне нигунам.

Йӧраташ тунемына гын,

Юмын ойжым шуктена.

3. Шӱмышкет ӧпке пижеш гын,

Уло кумылын кумал,

Юмо деч кычал каҥашым,

Тудо тыйым умыла.

Шке Шомакше гоч Иегова

Чапле корныш виктара.

Шарналтен тӱҥ кӱштымашым,

Лишылнам проститлена.