125-ШЕ МУРО
«Чаманыше-влак поро пиалан улыт»
-
1. Иегова, поро Юмына,
Еҥ-влакым тудо чамана.
Куанлын кажне верч тырша
Да уло кумылын полша.
Пала, пурак ме улына,
Садлан титакнам кудалта.
Кӧ весым проститла эртак,
Проститлыме лиеш шкежат.
-
2. Чон сулык верч кунам йӱла,
Проститлыме ме лийнена.
Иисусын ойлымым шарнен,
Кумалына ме сӧрвален:
«Ачай, проститле сулыкнам,
Кузе шкежат проститлена».
Лач шыдым да ӧпкем монден,
Шӱмна темеш чын тыныс ден.
-
3. Пуаш ме ямде улына,
Но порым шолып ыштена.
Нужнаште улшылан полшен,
Она вучо суапым ме.
Ужеш кавасе Юмына,
Шинчалан койшын пӧртылта.
Чаманымашлан кӧ поян,
Ачалан тудо шергакан.
(Тыгак ончыза Матф. 6:2—4, 12—14.)