136-ШО МУРО
Иегова пашатлан «тӱрыснек тӱла»
-
1. Иегова — ӱшанле, чылаштым шарна,
Кӧ уло шӱм ден служитла.
Ӱшанле лияш кӧ тырша лач тудлан
Да лӱмжӧ верч йӧсым чыта.
Пернен мо тылат родо-влакым кодаш?
Тый шарне: Иегова ужеш,
Иза ден ака-влакым лыҥак пуа,
Лиеш илышет курымеш.
ПРИПЕВ
Тый ужат: Иегова пӧртылта,
Чыла пашатлан тӱрыснек тӱла.
Эҥгек деч шулдыржо арала,
Вет тудо — ӱшанле да чын Юмына.
-
2. Кунамже чучеш, ынде от керт тетла,
Нумалтыш темда утыжден.
Моткоч шуко нелылык верч вий пыта,
Нимом ынде от керт ыштен.
Ит мондо: Ача тыршыметым ужеш,
Кумалме мутетым колеш,
Шке Мутшо ден шӱлыш гоч вийым пуа,
Йолташ дечын полыш толеш.
ПРИПЕВ
Тый ужат: Иегова пӧртылта,
Чыла пашатлан тӱрыснек тӱла.
Эҥгек деч шулдыржо арала,
Вет тудо — ӱшанле да чын Юмына.
(Тыгак ончыза Суд. 11:38—40; Ис. 41:10.)