138-ШЕ МУРО
Илалше-влакым чал ӱп сӧрастара
-
1. Шоҥго-влак мемнан пелен
Пеҥгыдын шогат.
Рвезе пагытышт эртен,
Но садак тыршат.
Кап ӱнарыштат пыта,
Лишылышт колат.
Полшо нунылан, Ачай,
У тӱням вучаш!
ПРИПЕВ
Ыштыме пашаштым
Тый, Ачай, шарнет.
Нуным ӱшандаре:
«Курымеш илет!»
-
2. Чалемаш чын корнышто —
Чынжымак пиал!
«Ӱпышт лач вуйшӱдыш гай», —
Юмын Мут ойла.
Вий-куатышт пеҥгыде
Лийын нунынат.
Служитленыт тӱрыснек
Юмылан тунам.
ПРИПЕВ
Ыштыме пашаштым
Тый, Ачай, шарнет.
Нуным ӱшандаре:
«Курымеш илет!»
(Тыгак ончыза Пс. 70:9, 18; Прит. 20:29; Матф. 25:21, 23; Лук. 22:28; 1 Тим. 5:1.)
