44-ШЕ МУРО
Ойгырышын кумалмыже
-
1. Иегова, кумалмем колаш
Йодам мый сӧрвален.
Уке чон тыныс, йӧсӧ пеш,
Шӱмем чылт сусырген.
Шукталтын огыл шонымем,
Темда нумалтышем.
Чон сусырым эмлен кертат,
Тидлан мый ӱшанем.
ПРИПЕВ
Кузе мылам чытен лекташ?
Ӱшаным полшо вияҥдаш.
Пуэт ӱнарым мыланем —
Эртен кая чон вургыжмем.
-
2. Лач тыйын шӱлыш ойгышто
Шӱмемым арала,
Чонемын шижмым ончыкташ
Мут деч посна полша.
Мутетым лудын, мый шижам,
Тый мыйым йӧратет.
Шӱмем деч кугырак улат,
Вет тый чыла палет.
ПРИПЕВ
Кузе мылам чытен лекташ?
Ӱшаным полшо вияҥдаш.
Пуэт ӱнарым мыланем —
Эртен кая чон вургыжмем.
(Тыгак ончыза Пс. 41:7; 118:28; Рим. 8:26; 2 Кор. 4:16; 1 Иоан. 3:20.)
