1. Ушан да чын книга тӱняште уло,

Тӧр корныш тудо кажным виктара.

Айдемылан пуа кугу ӱшаным

Да тыныс дене илышнам тема.

Книгаже тиде — Юмын шерге Мутшо!

Возалтын тудо эрыкше почеш.

Лач тушто веле Юмын шонымаш-влак,

Лудеш кӧ тудым, илышым муэш.

2. Шке Мутшо гоч ойла Иегова Юмо,

Кузе кава ден мландынам ыштен,

Кузе айдеме сулыкдымо лийын

Да Юмын эрыкшым ондак шуктен.

Вара ик суксо ваштареш шогалын,

Иегова дене тудо ӱчашен.

Айдеме тукым орлана сандене,

Но Юмо тидым тӧрлаташ сӧрен.

 3. Куанле пагыт ынде толын шуын —

Христос каваште таче Кугыжа.

Ме вучена толшашлык тыныс жапым,

Ӱшан нерген уверым ойлена.

Мыняр чот шуко сылне шонымашым

Ача книгаж гоч мыланна пуэн.

Иегован Мутшо лач ший-шӧртньӧ гае,

Яндар шӱманлан шергакан пӧлек!