Иегован Таныкше-влакын темлыме курсышт Библийын туныктымыжым пален налаш полша. Библийым шымлыме курсна тыланда полша:

•   Пиалан илаш.

•   Юмо деке лишылрак лияш.

•   Библийыште ончыкылык нерген возымым пален налаш.

Тиде страницыште

•  Библийым шымлымаш кузе эртаралтеш?

•  Курслан оксам тӱлаш кӱлеш мо?

•  Курс мыняр жап шуйна?

•  Ончыч мом ыштыман?

•  Шымлен ончалаш лиеш мо?

•  Библийым шымлаш тӱҥалам гын, Иегован Таныкше лийшаш улам мо?

•  Шкемын Библий почеш шымлаш лиеш мо?

•  Шымлымашыш весе-влакым ӱжаш лиеш мо?

•  Иегован Таныкше-влак дене мый ончыч Библийым шымленам гын, угыч шымлаш лиеш мо?

•  Туныктышо деч посна шкетын шымлашлан программыда уло мо?

 Личный туныктышо дене пырля те библийысе теме-влакым почела-почела пален налыда. «Курымеш куанен илыза!» Библийым шымлыме курслан кӧра те эркын-эркын пален налыда, мо́лан Библий туныкта. Тыгак ужыда, кузе тиде шинчымаш тыланда пайдам конден кертеш. Курс нерген шукырак информацийым тиде видеороликыште каласкалалтеш.

 Уке. Иегован Таныкше-влак Иисус Христосын шке тунемшыж-влаклан пуымо кӱштымыжым шуктат: «Яра налында, ярак пуыза» (Матфейын 10:8). Тыгак тыланда ни Библийлан, ни «Курымеш куанен илыза!» публикацийлан оксам тӱлаш огеш кӱл.

 Уло курс 60 урок гыч шога. Мыняр вашке те тиде курсым шымлен эртеда — тендан деч шога. Шукыштлан арняш ик але икмыняр урокым эрташ келша.

1.  1. Онлайн-заявкым колтыза. Тиде информаций тендан дене кылдалташ веле кӱлеш.

2.  2. Туныктышо тендан дене кылдалтеш. Туныктышыда тыланда тиде курс нерген шукырак каласкален пуа да тендан йодышда-влаклан вашмутым пуа.

3.  3. Шымлымашын кузе эртаралтмыже нерген туныктышо дене мутланен келшыза. Те туныктышо дене вашлийын шымлен кертыда, тыгак телефон, видеокыл, серыш але электрон почто гоч. Шымлымаш ик шагат наре шуйна. Но тендан графикда дене келшышын, тудо кӱчыкрак але кужунрак лийын кертеш.

 Лиеш. Тидлан онлайн-заявкым колтыза. Кунам туныктышо тендан дене кылдалтеш, курс тыланда келша але уке умылен налашлан Библийым шымлен ончалмыда шуэш манын каласыза. Тидлан туныктышын «Курымеш куанен илыза!» брошюр уло, кушко кум тӱҥалтыш урок веле пура.

 Уке. Мыланна еҥ-влак дене Библийым шымлаш келша, но Иегован Таныкше лияш ме нигӧм она ӧкымлӧ. Ме Библийын туныктымыжым веле ончыктена. А мо́лан ӱшанаш айдеме шкеже решенийым луктеш (1 Петрын 3:15).

 Лиеш. Те кеч-могай Библий кусарымашым кучылтын кертыда. Мыланна «У тӱня» кусарымаш келша, вет тудо раш да чын. Туге гынат, ме умылена: шукышт шымлымаште тыгай кусарымашым кучылтнешт, могайлан нуно тунемыныт.

 Лиеш. Те шымлымашыш ешдам але йолташ-влак гыч иктажшым ӱжын кертыда.

 Лиеш. Очыни, тиде у курс ончычсо-влак деч тыланда чотрак келша. Тудо кызытсе еҥ-влакын кӱлешлыкышт дене келшышын ыштыме лийын. Тошто тунемме программе-влакна дене таҥастарымаште тиде курс шымлашлан куштылгырак да тудо эн шукыракшым мутланымаш гыч шога.

 Уло. Шуко еҥ туныктышо дене шымлымаш шукырак пайдам конда манын ужыт гынат, южышт ондакшым Библийым шкетын шымлынешт. «Библийым шымлашлан пособий-влак» страницыште Библийым шымлаш полшышо тӱрлӧ приложений ден ресурс уло. Те нуным окса деч посна тулен налын кертыда. Теве южышт:

•   Библийым шымлымаш онлайн-урок-влак (южо йылме дене уло). Нине урок-влак илышыште кӱлешан йодыш-влаклан вашмутым пуат, мутлан: кӧ тыгай Юмо? молан еҥ-влак орланат? Юмо орланымашым иктаж-кунам пытара мо?

•   Видеоурок-влак. Кӱчык видеоролик-влак, кушто библийысе тӱҥ туныктымаш-влак умылтаралтыт.

•   Библий йодыш-влаклан вашмут. Нине статьялаште Библий нерген тӱрлӧ йодышлан вашмутым пуымо.

•   Библийысе почеламут-влакым умылтарымаш. Те кумдан палыме библийысе шомак ден почеламут-влакын значенийыштым пален налыда.