• Na te aha i hangā ai e Ihowa te whenua? (1, 2)
• Na te aha te whenua e hara i te pararaiha inaianei? (3)
• Ka pēheatia nga tāngata kino? (4)
• A muri ake nei, he aha e mahia e Ihu mo nga tūroro? nga kaumātua? te hunga mate? (5, 6)
• Kia whiwhi ai ki nga manaakitanga a mua, he aha e hiahiatia ana kia mahia e koe? (7)

¹ I hangā e Ihowa te whenua kia koa ai te noho a te tangata i runga mo ake tonu. Ko tōna hiahia kia nohoia tonu te whenua e nga tāngata tika, harinui. (Waiata 115:16; Ihaia 45:18) E kore rawa te whenua e whakangaromia; ka toe mo ake tonu.—Waiata 104:5; Kaikauwhau 1:4.

² I mua i te hanganga o te tangata e te Atua, i waitohu Ia i tetahi wāhanga iti nei o te whenua, a ka hangā hei pararaiha ataahua. Huangia ana e ia ko te kāri o Erene. I konei ka waihotia e ia te tangata tuatahi me te wahine, a Arama raua ko Iwi. Te whāinga a te Atua mo raua kia whai tamariki, ka whakakapi ai i te whenua. Ka āta huri ai raua i te whenua katoa taea noa hei pararaiha.—Kenehi 1:28; 2:8, 15.

Pararaiha kua ngaro

³ I hara a Arama raua ko Iwi na te āta pākaru ture Atua. Mauria ana e Ihowa ki waho o te kāri o Erene. Kua ngaro te pararaiha. (Kenehi 3:1-6, 23) Engari, kāhore ano a Ihowa i wareware ki tana whāinga mo te whenua. I oati ia kia hangā hei pararaiha, hei nohonga mo te tangata mo ake tonu. Pehea tana mahi i tenei?—Waiata 37:29.

⁴ I mua i te whenua e huri ai hei pararaiha, me whakakore atu nga tāngata kino. (Waiata 37:38) Ka tūpono tenei i Aramakerona, te pakanga a te Atua hei whakamutu i te kino. I muri atu, ka hereherea a Hātana mo te 1,000 nga tau. E mea ana tēnei, e kore e mahue mai nga mea kino hei takakino i te whenua. Ko te iwi ānake a te Atua e puta.—Whakakitenga 16:14, 16; 20:1-3.

⁵ A reira ka whakahaere a Ihu Karaiti hei Kingi mo te whenua mo nga 1,000 tau. (Whakakitenga 20:6) Ka āta tangohia e ia te hara i o tātou hinengaro me o tātou tinana. Ka riro tātou hei tāngata tika kia pera i a Arama raua ko Iwi i mua i to raua haranga. A reira kua kore ano te māuiuitanga, te kaumātua, me te mate. Ka whakaoraina nga tūroro, nga peretana kaumātua ka tamariki haere ano.—Hopa 33:25; Ihaia 33:24; Whakakitenga 21:3, 4.

⁶ I roto i te Mano Tau Kingitanga o Ihu, nga tāngata pono ka mahi ki te huri i te whenua katoa hei pararaiha. (Ruka 23:43) I kō atu, nga miriona o ēra kua mate ka whakaarangia ki te oranga tangata ki runga i te whenua. (Nga Mahi 24:15) Ina mahi rātou i ta te Atua i whakarite ai mo rātou, ka noho rātou i runga i te whenua mo ake tonu. Mehemea e kore, ka whakamatea rātou mo ake tonu.—Hoani 5:28, 29; Whakakitenga 20:11-15.

⁷ Te whāinga tuatahi a te Atua mo te whenua ka tutuki tika. E hiahia koe ki tētahi wāhanga o ēnei manaakitanga a mua ake nei? Mehemea e pera ana, me ako tonu koe i a Ihowa me te whakarongo ki āna i whakarite ai. Ma te haere ki nga huihuinga i te Hōro Kingitanga o Nga Kaiwhakaatu a Ihowa ka āwhina i a koe kia pera ai.—Ihaia 11:9; Nga Hiperu 10:24, 25.

I muri i Aramakerona, ka huria te whenua hei pararaiha