Akoranga 4
Ko Wai te Rēwera?
- Hātana te Rēwera—i haere mai ia i hea? (1, 2)
- Me pēhea te whakakotiti a Hātana i nga tāngata? (3-7)
- Na te aha koe me whawhai atu ki te Rēwera? (7)
1 Te kupu “rēwera” e mea ana ko tetahi e kōrero teka kino ana mo tētahi atu peretana. A “Hātana” e mea ana he hoariri, he tautohe ranei. Ko nga kupu enei i hoatu ki te hoariri matua o te Atua. I te tuatahi, he anahera tika ia i te rangi me te Atua. Heoi, i muri iho i nui rawa ōna whakaaro mōna ake ano, a ka hiahia ki te koropiko e tika kē ana ki te Atua.—Matiu 4:8-10.
![](https://assetsnffrgf-a.akamaihd.net/assets/l/rq/rq_MA/rq008.jpg)
2 Tēnei anahera a Hātana, i kōrero ki a Iwi ma roto i te nākahi. Na te kōrero teka ki a ia, ka riro ia ki te kore whakarongo ki te Atua. Huakina ana e Hātana tera i huangia ko te “rangatiratanga,” o te Atua, te tūranga rānei o te Runga Rawa. Ka uia e Hātana mehemea e whaitikanga ana te whakahaere a te Atua, a e whai painga ana mo Āna pononga. I whakaari ano hoki a Hātana i te patai mehemea tētahi tangata e mau tonu te pono ki te Atua. I ēnei, ka mahia ia ano e Hātana hei hoariri mo te Atua. No reira ia i huangia ai ko Hātana te Rēwera.—Kenehi 3:1-5; Hopa 1:8-11; Whakakitenga 12:9.
3 Tarai ana a Hātana ki te māminga i nga tāngata ki te koropiko ki a ia. (2 Koriniti 11:3, 14) Tētahi o ana huarahi whakakotiti tāngata kei roto i te hāhi hē. Mehemea te hāhi e whakaako mea teka ana i te Atua, e mahi kē ana i nga whāinga a Hātana. (Hoani 8:44) Nga tāngata he mema no nga hāhi hē e tino whakapono ana pea e koropiko ana rātou ki te Atua pono. Engari, e mahi kē ana ma Hātana. Ko ia ‘te atua o tenei ao.’—2 Koriniti 4:4.
![]() |
Te hāhi hē, whakawairua, me te kotahitanga ā iwi e whakakotiti tāngata ana |
4 Ko te whakawairua tētahi atu huarahi a Hātana e riro mai ai nga tāngata ki raro i tōna mana. Ka karanga pea ratou i nga wairua ki te tiaki i a rātou, ki te takakino i ētahi, kite matakite mo a mua, te mahi merekara rānei. Ko Hātana te kaha kino kei muri i ēnei mahi katoa. E whakahari ai i te Atua, kaua tātou e whai wāhanga atu ki te whakawairua.—Tiuteronomi 18:10-12; Nga Mahi 19:18, 19.
5 E whakakotiti ana hoki a Hātana i nga tāngata ma roto i te tino whakahihi o te iwi me te koropiko ki nga whakahaere tōrangapū. Ka whakaaro ētahi ko to rātou tau tangata, momo iwi rānei e pai atu ana i ētahi atu. Kāhore tēnei e pono ana. (Nga Mahi 10:34, 35) Etahi atu tāngata kua titiro ki nga whakahaere tōrangapū ki te whakatika i nga raruraru tangata. Ma te mahi pēnei, e whakarere ana rātou i te Kingitanga o te Atua. Ko tera ānake te tau otinga mo o tātou raruraru.—Raniera 2:44.
![]() |
Whawhai atu i a Hātana, ma te mau tonu o te ako |
6 Tētahi ano huarahi whakakotiti tangata a Hātana ko te whakamātautau i a rātou ki nga hiahia hē. E kōrero mai ana a Ihowa ki a tātou kia karo i nga mahi hē, no te mea e mōhio ana ia ka mamae tātou. (Karatia 6:7, 8) Etahi tāngata pea ka hiahia kia uru atu koe me rātou i era mahi. Kia mahara ano, ko Hātana kē e hiahia ana kia mahi pera a koe.—1 Koriniti 6:9, 10; 15:33.
7 E whakamahi pea a Hātana i te tukino me te mautohe kia whakarere ai koe i a Ihowa. Etahi o āu e aroha ana ka tino riri pea i te mea e ako ana koe i te Paipera. Etahi ano ka whakahāwea i a koe. Engari, ki a wai koe e nama ana mo tōu oranga? E hiahia ana a Hātana ki te whakamataku i a koe kia mutu ai tōu ako i a Ihowa. Kaua e tukuna a Hātana kia wini! (Matiu 10:34-39; 1 Pita 5:8, 9) Ma te whawhai atu i te Rēwera ka whakahari koe i a Ihowa, a ka tohu e hāpai ana a koe i Tōna rangatiratanga.—Nga Whakatauki 27:11.