• Me pēhea o tātou whakaaro mo nga mea e kōrero ana te Atua he kino? (1)
• He aha nga momo whanonga mahimahi e hē ana? (2)
• He aha te tirohanga a te Karaitiana mo te kōrero teka? (3) petipeti? (3) whānako? (3) taikaha? (4) whakawairua? (5) porohaurangi? (6)
• Me pehea te peretana e puta wātea mai ai i nga mahi kino? (7)

¹ E aroha ana nga pononga a te Atua ki nga mea pai. Engari, me ako rātou ki te mauāhara ki te mea kino. (Waiata 97:10) E mea ana tera me karo i ētahi mahi e mauāhara ana te Atua. He aha ētahi o ēnei mahi?

² Moepuku: Te ai i mua o te mārenatanga, te pūremu, ai kararehe, kaiwhiore, takāpui, te katoa he hara nui i mua i te Atua. (Rewitikuha 18:6; Roma 1:26, 27; 1 Koriniti 6:9, 10) Mehemea te kāpara kāhore ano kia mārenatia, ēngari e noho tahi ana, he mea tika me wehe raua, me mārena rānei kia hāngai ki te ture.—Nga Hiperu 13:4.

E mauāhara ana te Atua ki te porohaurangi, whānako, petipeti, me nga mahi taikaha

³ Korero Teka, Petipeti, Whānako: E kore a Ihowa te Atua e teka. (Taituha 1:2) Nga peretana e hiahia ana kia whakapaitia e ia me karo i te kōrero teka. (Nga Whakatauki 6:16-19; Korohe 3:9, 10) Nga momo petipeti katoa e poke ana i te apo. No reira nga Karaitiana e kore e uru, ahakoa ko tēhea momo o te petipeti, pera i te rota, rēhi hoiho, me te wharewhare. (Epeha 5:3-5) Kāre hoki nga Karaitiana e whānako. E kore rātou e hoko taonga e mōhio ana he mea tāhae, e mau noa rānei i tētahi mea kāhore i tukuna.—Ekoruhe 20:15; Epeha 4:28.

⁴ Pā te Riri, Taikaha: Te riri kāre i puritia ka ārahi ki nga mahi taikaha. (Kenehi 4:5-8) Te peretana taikaha e hara i te hoa o te Atua. (Waiata 11:5; Nga Whakatauki 22:24, 25) He mea hē te rapu utu, te whakahoki mea kino mo nga mahi kino i mahia pea e ētahi ki a tātou.—Nga Whakatauki 24:29; Roma 12:17-21.

⁵ Karakia Mākutu me te Whakawairua: Etahi tāngata ka karanga ki te kaha o nga wairua mo te tarai whakaora tūroro. Etahi ka uta karakia ki runga i o rātou hoariri kia māuiui ai, ahakoa rānei kia mate ai rātou. Te mana kaha kei muri i enei mahi katoa, ko Hātana. No reira, kaua nga Karaitiana e whai wāhanga i enei mea katoa. (Tiuteronomi 18:9-13) Te noho tata ki a Ihowa ko te kaitiaki pai hei ārai i nga karakia ka utaina pea ki runga i a tātou e ētahi atu.—Nga Whakatauki 18:10.

⁶ Porohaurangi: Kāhore he hē o te inu iti i te waina, pia, o etahi atu inu waipiro rānei. (Waiata 104:15; 1 Timoti 5:23) Engari, te inu kaha me te porohaurangi e hē ana ki nga kanohi o te Atua. (1 Koriniti 5:11-13; 1 Timoti 3:8) Te nui rawa o te inu ka takakino i tōu hauora, ka whakapōrearea i to whānau. Ka taea hoki koe kia tere te riro i etahi atu whakawai.—Nga Whakatauki 23:20, 21, 29-35.

⁷ Nga peretana e mahi i nga mea e kōrero ana te Atua e kino ana e “kore e whiwhi ki te rangatiratanga o te Atua.” (Karatia 5:19-21) Mehemea koe e tino aroha ana ki te Atua, e hiahia ana ki te whakahari i a ia, ka wehe mai koe i ēnei mahi. (1 Hoani 5:3) Akona te mauāhara ki tera e mea ana te Atua e kino ana. (Roma 12:9) Whakahoa me nga tāngata atua te āhuatanga. (Nga Whakatauki 13:20) Nga hoa Karaitiana pakari ka hāpono hei mātāpuna mo te āwhina. (Hemi 5:14) Hei runga rawa, whakawhirnaki ki te āwhina a te Atua mo roto i te inoi.—Piripai 4:6, 7, 13.