• He aha ai tātou kia mā i nga huarahi katoa? (1)
• He aha te tikanga o te taha wairua mā? (2) te whanonga mā? (3) te hinengaro mā? (4) te tinana mā? (5)
• He aha nga momo kōrero poke me karo e tātou? (6)

¹ He mā me te tapu a Ihowa te Atua. E tūmanako ana ia mo ana kaikoropiko kia mau tonu te mā o te taha wairua, whanonga, hinengaro, me te tinana hoki. (1 Pita 1:16) Ma te tino mahi kaha ka mau tonu ai te mā i nga kanohi o te Atua. E noho ana a tātou i roto i te ao poke. E whawhai tonu ana hoki tātou ki to tātou whakawhirinaki ki te mahi hē. Engari, kaua tātou e mutu noa.

² Taha Wairua Mā: Mehemea tātou e hiahia ana ki te mahi ma Ihowa, e kore e taea e tātou te pupuri tonu ki ehea nei o nga akoranga, nga tikanga rānei a nga hāhi hē. Me tino whakaputa mai tātou ki waho o nga hāhi hē, kaua hoki e tautokotia, ahakoa nei me pēhea. (2 Koriniti 6:14-18; Whakakitenga 18:4) I to tātou mōhiotanga i te mea pono mo te Atua, kia tūpato tātou kei whakakotititia e nga tāngata e whakaako ana i te hē.—2 Hoani 10, 11.

³ Whanonga Mā: E hiahia ana a Ihowa mo ana kaikoropiko kia noho hei Karaitiana pono i nga wā katoa. (1 Pita 2:12) E kite ana ia i a tātou mahi katoa, ahakoa nga mea huna. (Nga Hiperu 4:13) Me karo tātou i te mahimahi karihika me ētahi atu o nga mahi poke o te ao.—1 Koriniti 6:9-11.

⁴ Hinengaro Mā: Mehemea ka whakakī tātou i o tātou hinengaro ki nga whakaaro mā, parakore, ka mā, ano hoki o tātou whanonga. (Piripai 4:8) Engari, ina mau ki nga mea poke, ko te hua he mahi kino. (Matiu 15:18-20) Me karo tātou i nga momo mahi whakangahau e poke ai o tātou hinengaro. Me whakakī tātou i o tātou hinengaro ki nga whakaaro mā, me ako i te Kupu a te Atua.

⁵ Tinana Mā: No te mea e whakatinana ana rātou i te Atua, nga Karaitiana kia mā tonu o rātou tinana me nga kākahu. Me horoi o tātou ringa i muri i te haerenga ki te whare paku, a me horoi ano i mua i te kainga kai, te tangotango kai rānei. Mehemea kāre āu tikanga whakawātea parakaingaki tika, me tanu nga paru o te whare paku. (Tiuteronomi 23:12, 13) Ina mau tonu te mā o te tinana, ka āwhina mo te hauora pai. Kia tika te kainga o te Karaitiana, kia mā a roto me waho ngātahi. E tika kia kitea i roto i te nohoanga tāngata hei tauira pai.

⁶ Kōrero Mā: Nga pononga a te Atua kia kōrero tonu i te pono. E kore nga kaikōrero teka e tomo ki te Kingitanga o te Atua. (Epeha 4:25; Whakakitenga 21:8) Nga Karaitiana e kore e kino te reo. E kore rātou e whakarongo, e kōrero kata paru, kōrero pūrākau poke rānei. No te mea he mā a rātou kōrero, ka tū rerekē rātou i te wāhi mahi, i te kura, i roto hoki i nga hoa tata.—Epeha 4:29, 31; 5:3.

Nga pononga a te Atua, kia mā i roto i nga whakaritenga katoa