• He aha nga momo whakapono me nga tikanga e hē ana? (1)
• Me whakapono nga Karaitiana he Tokotoru te Atua? (2)
• Na te aha nga Karaitiana pono i kore ai e whakanui i te Kirihimete, te Aranga, huritau rānei? (3, 4)
• E whara i te hunga mate te hunga ora? (5)
• I mate a Ihu i runga i te rīpeka? (6)
• Pēhea te whaitikanga o te whakahari i te Atua? (7)

E hara te Atua i te Tokotoru

¹ Kāhore te katoa o nga whakapono me nga tikanga e kino ana. Engari, kāre te Atua e whakaae ana ki ēnei mehemea i anga mai i te hāhi hē, e whakahē ana rānei i nga akoranga Paipera.—Matiu 15:6.

² Tokotoru: He Tokotoru a Ihowa—e toru peretana i roto i te Atua kotahi? Kāhore! A Ihowa, te Matua, ko ia “ānake te Atua pono.” (Hoani 17:3; Maka 12:29) Ko Ihu Tana Tama mātāmua, a e ngohengohe ana ia ki te Atua. (1 Koriniti 11:3) Nui atu te Matua i te Tama. (Hoani 14:28) E hara te wairua tapu i te peretana; ko te mana kaha o te Atua.—Kenehi 1:2; Nga Mahi 2:18.

Te Kirihimete me te Aranga i anga mai i nga hāhi hē o ōnamata

Kāhore he take i koropiko ai ki te hunga mate, te wehi rānei i a rātou

³ Kirihimete me te Aranga: Kāhore a Ihu i whānautia i Tihema 25. I whānautia ia i nga takiwā o Oketopa 1, te wā, o te tau o nga hēpara e waiho ana i nga kāhui ki waho o nga kuwaha i te pō. (Ruka 2:8-12) Kāhore a Ihu i tono i nga Karaitiana kia whakanui i tōna whānautanga. Mahue kē, i kōrero ia ki ana akonga mo te whakamaharatanga, ara kia mahara ki tōna matenga. (Ruka 22:19, 20) Te kirihimete me ōna tikanga i ahu mai i nga hāhi hē o onamata. Pera ano hoki nga tikanga o te Aranga, te mau hēki me nga rāpeti. Nga Karaitiana tōmua kihai i whakanui i te Kirihimete me te Aranga, kāhore hoki nga Karaitiana pono i tenei rā.

⁴ Huritau: Nga whakanui huritau tokorua ānake i korerotia i te Paipera, he mea whakatū e nga peretana kāre e koropiko ana ki a Ihowa. (Kenehi 40:20-22; Maka 6:21, 22, 24-27) Kāhore nga Karaitiana tōmua i whakanui i nga huritau. Te tikanga o te whakanui i nga huritau i anga mai i nga hāhi hē o ōnamata. Nga Karaitiana pono ka hoatu koha, a ka huihui pai tahi i ētahi atu wā o te tau.

⁵ Wehi i te Hunga Mate: E kore e taea e te hunga mate te mahi, te rongo rānei i tētahi mea. E kore e taea e tātou te āwhina i a rātou, e kore hoki tātou e whara i a rātou. (Waiata 146:4; Kaikauwhau 9:5, 10) Ka mate te hōuru; kāhore e ora tonu i muri o te matenga. (Ehekiere 18:4, NW) Engari, i ētahi wā nga anahera kino ka māminga ko rātou nga wairua o te hunga mate. Tēhea nei tikanga e whai wāhanga ana mo te wehi, koropiko ranei ki te hunga mate, e hē ana.—Ihaia 8:19.

⁶ Te Ripeka: Kāhore a Ihu i mate i runga o te ripeka. I mate ia i runga i te pou, te poupou rānei. Te kupu Kariki i whakamaoritia he “ripeka” i roto i te tokomaha o nga Paipera e mea ana, kotahi ano rākau. Te tohu o te ripeka i anga mai i nga hāhi hē o ōnamata. Kāhore te ripeka i whakamahia, i koropikotia rānei e nga Karaitiana tōmua. No reira, ki tōu whakaaro, e tika ana te whakamahi i te ripeka mo te whakapono?—Tiuteronomi 7:26; 1 Koriniti 10:14.

⁷ He mea tino uaua pea te whakarere i ētahi o ēnei whakapono me nga tikanga. Nga whanaunga me nga hoa ka tarai pea kia mōhio tūturu koe kaua e whakarerekē i au whakapono. Engari, te whakahari i te Atua he mea whaitikanga noa atu i te whakahari tangata.—Nga Whakatauki 29:25; Matiu 10:36, 37.