• Kei hea te wāhi o te Kingitanga o te Atua? (1)
• Ko wai tōna Kingi? (2)
• E whai wāhanga ana etahi ki te whakahaere me te Kingi? Mehemea, e hia? (3)
• He aha e tohu ana e noho ana tātou i roto i nga ra mutunga? (4)
• He aha e mahia e te Kingitanga o te Atua mo te uri tangata a mua ake nei? (5-7)

¹ I te wā o Ihu i te whenua, ka akona e ia āna akonga ki te inoi mo te Kingitanga o te Atua. Te kingitanga he kāwanatanga, ko te upoko he kingi. Te Kingitanga o te Atua he kāwanatanga motuhake. He mea whakanoho ki te rangi, a ka whakahaere i runga i te whenua. Ma tera e whakatapu, mahi rānei kia tapu te ingoa o te Atua. Ko tera hei pūtake mo ta te Atua i pai ai kia mahia i runga i te whenua kia rite ki tera i mahia i te rangi.—Matiu 6:9, 10.

² I oati te Atua ka riro ko Ihu hei Kingi mo Tōna Kingitanga. (Ruka 1:30-33) I te wā i a Ihu i te whenua, i kitea ia he Kaiwhakahaere ngākau aroha, tōtika, a he tika ano. I tōna hokinga ki te rangi, kāhore ia i whakanohoa tonu atu hei Kingi mo te Kingitanga o te Atua. (Nga Hiperu 10:12, 13) I 1914, ka hoatu e Ihowa ki a Ihu te mana i oatitia e Ia ki a ia. I muri iho, ko Ihu e whakahaere ana i te rangi hei Kingi kua whakaingoatia e Ihowa.—Raniera 7:13, 14.

³ Kua kōwhiritia hoki e Ihowa ētahi tāne, wāhine pono o te whenua kia haere ki te rangi. Ka rangatira rātou me Ihu, hei kingi, kaiwhakawā, a hei pirihi mo te uri tangata. (Ruka 22:28-30; Whakakitenga 5:9, 10) Huangia ana e Ihu enei hoa rangatira o tōna Kingitanga ko te “kahui iti.” To rātou nama, e 144,000.—Ruka 12:32; Whakakitenga 14:1-3.

⁴ I te wā tonu i Kingi ai a Ihu, ka makā iho e ia a Hātana me āna anahera kino i te rangi ki nga takiwā o te whenua. No reira nga mea i tino kino ai i te whenua nei mai i 1914. (Whakakitenga 12:9, 12) Nga pakanga, wā matekai mate urutā, nui haere o te turekore—enei katoa he wāhanga o te “tohu” e whakaatu ana e whakahaere ana a Ihu, a ko nga ra mutunga enei o tēnei tikanga.—Matiu 24:3, 7, 8, 12; Ruka 21:10, 11; 2 Timoti 3:1-5.

⁵ Akuanei ka whakawā a Ihu i nga tāngata, wehewehe ana i a rātou kia pera i te hepara e wehewehe ana i nga hipi mai i nga kōati. Nga “hipi” ko era kua kitea ko āna tauira pono. Ka whiwhi rātou i te oranga tonutanga i runga i te whenua. Nga “kōati” ko era i whakakore i te Kingitanga o te Atua. (Matiu 25:31-34, 46) A mua tata nei, ka whakangaromia e Ihu era katoa e whakakōati ana. (2 Teharonika 1:6-9) Mehemea e hiahia ana a koe hei “hipi” ma Ihu, me whakarongo koe ki te kupu o te Kingitanga, a ka mahi ai i tera kua mōhio koe.—Matiu 24:14.

I raro i te whakahaere a Ihu, e kore ano te mauāhara, te whakawā wawe rānei

⁶ Inaianei e wehewehe ana te ao ki te tokomaha whenua. Ia ano me tōna kāwanatanga. Enei whenua ka rite tonu te whawhai i a rātou ano. Engari, te Kingitanga o te Atua ka whakakapi i nga kāwanatanga tangata katoa. Ka whakahaere ai hei te kāwanatanga ānake i runga i te whenua. (Raniera 2:44) A reira kua kore ano he pakanga, mahi kino, me te taikaha. Nga tāngata katoa ka noho tahi i te rangimarie me te kotahitanga.—Mika 4:3, 4.

⁷ I roto i te Mano Tau Rangatiratanga o Ihu, ka riro nga tāngata pono kia tika, a ka pararaiha hoki te whenua katoa. A te mutunga o te mano tau, kua oti i a Ihu nga mea katoa i inoi ai te Atua kia mahia e ia. A reira ka hoatu e ia te Kingitanga ki tana Matua. (1 Koriniti 15:24) He aha noa te kōrero ki ōu hoa me āu e aroha ana he aha ka mahia e te Kingitanga o te Atua?