• Na te aha a Ihu i huangia ai ko te Tama “matamua” a te Atua? (1)
• Na te aha ia i huangia ai ko “te Kupu”? (1)
• Na te aha a Ihu i haere mai ai ki te whenua he tangata? (2-4)
• Na te aha ia i mahi merekara ai? (5)
• He aha ka mahia e Ihu a mua tata nei? (6)

¹ I noho a Ihu i te rangi he peretana wairua i mua i tōna haerenga mai ki te whenua. Ko ia te timatanga o nga hanganga a te Atua, no reira ka huangia ia ko te Tama “matamua” a te Atua. (Korohe 1:15; Whakakitenga 3:14) Ko Ihu ānake te Tama i hangā e te Atua ānake. Ka whakamahia e Ihowa a Ihu i mua i tōna tangatatanga hei “tohunga ki nga mahi” ki te hanganga o ētahi mea katoa atu i te rangi, i runga hoki i te whenua. (Nga Whakatauki 8:22-31; Korohe 1:16, 17) Ka whakamahia ano ia e te Atua hei Tana kaikōrero tumuaki. No reira a Ihu i huangia ai ko “te Kupu.”—Hoani 1:1-3; Whakakitenga 19:13.

² Tonoa mai ana e te Atua Tana Tama ki te whenua nei ma te whakawhiti i tōna oranga ki te takotoranga tamariki o Meri. Kāre a Ihu i whai matua tangata. No reira i kore ai i tukuna iho ki a ia te hara me te whai hē. I tonoa mai a Ihu ki te whenua e te Atua mo nga take tokotoru: (1) Ki te ako i a tātou i te mea pono mo te Atua (Hoani 18:37), (2) kia mau tonu te tika o tōna ngākau pono, ka hōmai ai i te tauira hei whāia atu ma tātou (1 Pita 2:21), me (3) ki te whakahere i tōna oranga kia puta ai tātou i te hara me te mate. Na te aha tēnei i hiahiatia ai?—Matiu 20:28.

³ Na te kore e whakarongo ki te whakahau a te Atua, te tangata tuatahi, a Arama, ka mahi i ta te Paipera i karanga ai he “hara.” Ka whiua ia e te Atua ki te mate. (Kenehi 3:17-19) Kua kore ia e rite mo nga tikanga a te Atua, kua kore ia e tū tika ano. Ka āta kaumātua haere ia, a mate noa. Tukuna iho e Arama te hara ki āna tamariki katoa. No reira hoki a tātou i kaumātua haere ai, ka tūrorotia, ka mate ai. Me pēhea te uri tangata e whakaoratia ai?—Roma 3:23; 5:12.

⁴ He tangata tika a Ihu, pēra ano i a Arama. I rerekē ai i a Arama, i tika tonu to Ihu whakarongo ki te Atua ahakoa i raro i te whakamātautau tino kaha. No reira i āhei ai ia ki te whakahere i tōna oranga tangata tika hei utu i te hara o Arama. Ko tēnei ta te Paipera i kī ai ko te “utu.” Nga tamariki a Arama ka tukua mai i te whakawā o te mate. Ko rātou katoa e whakapono ki a Ihu ka murua o rātou hara, a ka whiwhi ai i te oranga tonutanga.—1 Timoti 2:5, 6; Hoani 3:16; Roma 5:18, 19.

Te minitatanga o Ihu e whakauru ana i te whakaako, mahi merekara, me te tuku hoki i tōna oranga mo tātou

⁵ I a ia i te whenua i whakaora a Ihu i nga tūroro, whāngai i te matekai, whakamarino i nga tūpuhi. Ka whakaara hoki ia i te hunga mate. Na te aha ia i mahi merekara ai? (1) I aroha ia ki nga iwi e whakamamaetia ana, ka hiahia hoki ia ki te āwhina i a rātou. (2) Ana merekara e whakatuturu ana ko ia te Tama a te Atua. (3) E tohu ana ēnei he aha ka mahia e ia mo te uri tangata whakarongo a te wā e whakahaere ai ia hei Kingi mo te whenua.—Matiu 14:14; Maka 2:10-12; Hoani 5:28, 29.

⁶ I mate a Ihu, a na te Atua i whakaara ake ano hei kaiora wairua, a ka hoki ki te rangi. (1 Pita 3:18) I muri mai, kua whakatūria ia e te Atua hei Kingi. Akuanei, ka kāhakina e Ihu nga mahi kino katoa me nga mamae mai i te whenua.—Waiata 37:9-11; Nga Whakatauki 2:21, 22.