Akoranga 2
Ko Wai te Atua?
- Ko wai te Atua pono, he aha hoki tōna ingoa? (1, 2)
- He aha tona momo tinana? (3)
- He aha ona āhuatanga kōhure? (4)
- Me whakamahi rānei tātou i nga pakoko me nga tohu i to tātou koropiko ki a ia? (5)
- He aha nga huarahi tokorua hei akonga ma tātou i te Atua? (6)
1 He tokomaha nga mea e koropiko atu ana te tangata. Engari, e kōrero mai ana te Paipera kotahi ānake te Atua PONO. Nāna i hanga nga mea katoa i te rangi, me te whenua. No te mea nāna i homai to tatou oranga, ko ia anake te Mea hei koropiko atu ma tātou.—1 Koriniti 8:5, 6; Whakakitenga 4:11.
2 He tokomaha nga taitara o te Atua, engari kotahi ano ōna ingoa. Tera ingoa ko IHOWA. I te nuinga o nga Paipera kua tangohia te ingoa o te Atua, a kua whakakapia hoki ki nga taitara ARIKI, ATUA ranei. Engari i te wā i tuhia ai te Paipera, te ingoa o Ihowa i puta mai i nga takiwa o te 7,000 nga wā!—Ekoruhe 3:15; Waiata 83:18.
3 He tinana to Ihowa, engari kāre i penei i o tātou nei. “He Wairua te Atua,” hei tā te Paipera. (Hoani 4:24) Te wairua he ahua o te oranga kei runga noa atu i o tātou. Kāhore ano hoki he tangata kua kite i te Atua. Kei te rangi a Ihowa e noho ana, engari e kite ana ia i nga mea katoa. (Waiata 11:4, 5; Hoani 1:18) He aha rā te wairua tapu? E hara i te peretana pera i te Atua. Mahue kē, ko te mana kaha o te Atua.—Waiata 104:30.
4 E whakakite mai ana te Paipera ki a tātou i te tuakiri o Ihowa. E tohu mai ana i ōna āhuatanga kōhure ko te aroha, mahi tika, mātauranga, me te kaha. (Tiuteronomi 32:4; Hopa 12:13; Ihaia 40:26; 1 Hoani 4:8) E kōrero mai ana hoki te Paipera ko ia he tohu atawhai, manaaki, hohou i te rongo, ohaoha, me te manawanui. Ko tātou ia, kia rite ai ki te tamariki whakarongo, me tarai ki te whakatau i a ia.—Epeha 5:1, 2.
 Ka mohio tatou ki te Atua i nga hanganga me te Paipera |
5 Me tuohu ranei tātou ka inoi ai ki nga pakoko, whakaahua, nga tohu ranei i to tātou koropiko? Kāhore! (Ekoruhe 20:4, 5) Mea mai ana i Ihowa me koropiko tātou ki a ia ānake. E kore ia e wāhanga i tona korōria ki tētahi, ki tētahi mea atu rānei. Kāre rawa he kaha o nga pakoko ki te āwhina i a tātou.—Waiata 115:4-8; Ihaia 42:8.
6 Me pēhea e pai atu ai to tātou mōhio ki te Atua? Ko tētahi huarahi me titiro ki nga mea i hangā e ia a ka whakaaro hōhonu ai he aha ta enei e kōrero mai ana ki a tātou. Nga hangaanga a te Atua e tohu ana i te nui o tōna kaha me tōna mātauranga. Ka kite hoki tātou i tōna aroha i roto i nga mea katoa i hangā e ia. (Waiata 19:1-6; Roma 1:20) Tētahi ano huarahi e mōhio ai tātou ki te Atua me ako i te Paipera. I reira, he nui noa atu āna kōrero ki a tātou mo te momo Atua a ia ake ano. E kōrero mai ana hoki ia i ana whāinga, a he aha hoki e hiahia ana ia kia mahia e tātou.—Amoho 3:7; 2 Timoti 3:16, 17.
