• Me pehea ta tātou titiro ki te oranga? (1) te whakatahe? (1)
• Me pēhea te whakaatu a nga Karaitiana e mahara whakaruru ana a rātou? (2)
• E hē ana te whakamate kararehe? (3)
• He aha ētahi mahi e whakaatu ana i te kore e whakanui i te oranga? (4)
• He aha te ture a te Atua mo te toto? (5)
• E whakauru ana tēnei i te whāngai toto? (6)

¹ Ko Ihowa te Mātāpuna o te oranga. Nga mea ora katoa e ngākaunui ana ki te Atua mo to rātou oranga. (Waiata 36:9) He mea tapu te oranga ki te Atua. Ahakoa te oranga o te kōhungahunga roto kōpū, kei roto ano i te whaea he mea nui ki a Ihowa. Te āta whakamate i te pēpi e tupu ana e hē ana ki nga kanohi o te Atua.—Ekoruhe 21:22, 23; Waiata 127:3.

Te whakahari i te Atua, me karo tātou i te whāngai toto, nga āhuatanga poke, me te whakaruru noa

² Nga Karaitiana pono e mahara whakaruru ana. Ka mahi tūturu rātou i o rātou motokā me o rātou kāinga e whakaruru ana. (Tiuteronomi 22:8) Kāhore nga pononga a te Atua e tango whakararu noa i o rātou oranga mo te whakahari me te ihi noa. No reira e kore rātou e whai wāhanga mo nga tākaro taikaha e āta whakawhara ai i ētahi atu tāngata. Karo ana rātou i nga mahi whakangahau e tautoko ana i te taikaha.—Waiata 11:5; Hoani 13:35.

³ Te oranga o te kararehe e tapu ana hoki ki te Kaihanga. Te Karaitiana ka whakamate kararehe kia whiwhi ai i te kai me te kākahu, hei tiaki ranei i a ia kei tūrorotia, me te whakawehi. (Kenehi 3:21; 9:3; Ekoruhe 21:28) Engari, e hē ana te tūkino kararehe, te whakamate ranei hei tākaro noa, hei whakahari rānei.—Nga Whakatauki 12:10.

⁴ Te kai paipa, ngaungau kārihi hua rākau, me te tango taru kino hei whakahari, e hara mo te Karaitiana. E hē ana enei mahi no te mea (1) ka riro tātou hei pononga ma rātou, (2) ka whara o tātou tinana, (3) e poke ana rātou. (Roma 6:19; 12:1; 2 Koriniti 7:1) E tino uaua ana te whakamutu i enei ahuatanga. Engari, me mahi e tātou kia hari ai a Ihowa.

⁵ Te toto e tapu ana hoki ki nga kanohi o te Atua. E mea ana te Atua te hōuru, te oranga rānei, kei roto i te toto. No reira e hē ana te kai toto. E hē ana hoki te kai i te kikokiko o te kararehe kihai i tika te whakaputa toto. Mehemea te kararehe he mea tārona, i mate rānei i te rore, kaua tera e kainga. Mehemea i werohia, pūhia rānei, kia tere tonu te whakaputa toto mehemea ko te kainga.—Kenehi 9:3, 4; Rewitikuha 17:13, 14; Nga Mahi 15:28, 29.

⁶ E hē ana te whakaae ki te whāngai toto? Kia mahara, e whakatakoto ana a Ihowa kia parea e tātou te toto. E mea ana tenei kia kaua tātou e tango ki roto i o tātou tinana, ahakoa nei i tēhea huarahi, nga toto o ētahi atu tāngata, ahakoa o tātou ano toto he mea whakaputu. (Nga Mahi 21:25) No reira, e kore nga Karaitiana pono e whakaae ki te whāngai toto. E whakaae rātou ki ētahi atu momo whakahaere rongoā, pera i te whāngai ki nga hua kore toto. E hiahia ana rātou kia ora tonu, ēngari e kore rātou e tarai ki te tiaki i o rātou oranga ma te pākaru i nga ture a te Atua.—Matiu 16:25.