• Na te aha i whaitikanga ai me inoi tonu? (1)
• Me inoi tātou ki a wai, me pēhea? (2, 3)
• He aha nga take tika mo te inoi? (4)
• A hea koe inoi ai? (5, 6)
• E whakarongo ana te Atua ki nga inoi katoa? (7)

¹ Te inoi he kōrero māhaki ki te Atua. Me inoi tonu koe ki te Atua. Na reira ka rongo koe kua piri tata ki a ia, pera ano i te hoa aroha. He nui me te kaha a Ihowa, engari e whakarongo ia ki a tatou inoi! E inoi tonu ana koe ki te Atua?—Waiata 65:2; 1 Teharonika 5:17.

² Te inoi he wāhanga o to tātou koropiko. No reira me inoi tātou ki te Atua ānake, a Ihowa. I a Ihu i runga i te whenua, i inoi tonu ia ki tana Matua, kāre ki tētahi atu. Me pēra ano hoki tātou. (Matiu 4:10; 6:9) Heoi, a tātou inoi katoa me kōrero i te ingoa o Ihu. E tohu ana tēnei e whakanui ana tātou i te tūranga o Ihu, a e whakapono ana tātou ki tana utu whakahere.—Hoani 14:6; 1 Hoani 2:1, 2.

³ Ina inoi tātou, me kōrero tātou ki te Atua mai i o tātou ngākau. Kaua hoki tātou e kōrero i a tātou inoi he mea whakamahara noa, me kōrero mai rānei i te pukapuka inoi. (Matiu 6:7, 8) E inoi tātou ahakoa he aha te tūranga e whakanui ana, ahakoa i tēhea wā, ahakoa i tēhea wāhi. E rongo ana te Atua ahakoa nga inoi wahangū he mea kōrero mai i o tātou ngākau. (1 Hamuera 1:12, 13) He mea pai me kimi he wāhi mārire, i kō atu i etahi atu tāngata, ka kōrero ai i a tātou ake inoi.—Maka 1:35.

⁴ He aha nga take mo āu inoi? He aha nei e hāngai ana ki tōu whakahoa ki a ia. (Piripai 4:6, 7) Te inoi tauira e tohu ana me inoi tātou i te ingoa o Ihowa me āna whāinga. Me inoi hoki tātou mo a tātou hiahia kia homaia he taonga, kia murua o tātou hara, kia āwhinatia ki te whawhai atu i nga whakawai. (Matiu 6:9-13) Kaua hoki a tātou inoi e kaiapo. Me inoi tātou mo nga mea ānake e hāngai ana ki ta te Atua i pai ai.—1 Hoani 5:14.

⁵ E ahei noa koe ki te inoi kia whakahaua koe e tōu ngākau ki te whakawhetai, me te whakapai i te Atua. (1 Whakapapa 29:10-13) Me inoi koe i a koe e whai raruraru ana, a e whakamātautauria ana tōu whakapono. (Waiata 55:22; 120:1) He mea tika me inoi i mua i tōu kainga i āu kai. (Matiu 14:19) E pōwhiri mai ana a Ihowa ki a tātou kia inoi “i nga wā katoa.”—Epeha 6:18.

⁶ E tino hiahiatia e tātou me inoi mehemea kua mahia e tātou he hara nui. I era wā, me inoi tātou ki a Ihowa mo tōna atawhai, murunga ano hoki. Mehemea tātou ka whāki i o tātou hara ki a ia, a ka mahi kaha ai kaua e tuaruatia ano ēnei, te Atua “he ngāwari.”—Waiata 86:5; Nga Whakatauki 28:13.

⁷ E whakarongo ana a Ihowa ki nga inoi a nga tāngata tika ānake. Mo āu inoi kia rangona e te Atua, me tarai koe i tōu kaha ki te noho i raro i ana ture. (Nga Whakatauki 15:29; 28:9) Kia māhaki koe i a koe ka inoi. (Ruka 18:9-14) Me whakamahi hoki koe i tāu i inoi ai. A reira kitea ai e whakapono ana a koe, a e whakarite koe i tāu i kōrero ai. A reira ānake, ka whakautu a Ihowa i āu inoi.—Nga Hiperu 11:6.