Kua tae rānei koe ki tētahi hui a ngā Kaiwhakaatu a Ihowa? Mehemea kāore anō, tēnā pea kei te āhua mataku koe i te haerenga tuatahi. Kei te whakaaro pea koe: ‘He aha ngā mahi i ēnei hui? He aha te take he mea hira ngā hui? He aha te take me haere au?’ I tēnei akoranga, ka kite koe mā te hui tahi me ētahi atu ka whakatata atu koe ki te Atua, ka whiwhi painga hoki koe.

1. He aha te take tino nui me hui tahi tātou?

Maharatia te kōrero a tētahi kaituhi o te Paipera mō te tino take me hui tahi me ētahi atu: “Ka whakapaingia a Ihowa e ahau i roto i ngā whakaminenga.” (Ngā Waiata 26:12) Pērā tonu, ka tino koa ngā Kaiwhakaatu a Ihowa ki te huitahi. I te ao katoa, ka huitahi rātou ia wiki ki te whakamoemiti ki te Atua, ki te waiata, ki te inoi. I ētahi wā ia tau, ka haere rātou ki ngā huihuinga karakia rahi ake.

2. He aha ngā mea ka ako koe i a mātou hui?

I ngā hui, ka āta titiro mātou ki te Kupu a te Atua, “me te whakaatu anō i ngā tikanga, me te whakamārama anō.” (Pānuitia Nehemia 8:8.) I ēnei hui, ka ako koe mō Ihowa me ōna āhua ātaahua. Ka nui ake tō mōhio ki tōna aroha mōu, ka whakatata ake koe ki a ia. Ka kite hoki koe ka āwhina ia kia hari ai koe i tōu oranga.​—Ihāia 48:17, 18.

3. He aha te painga ki a koe o te hui tahi me ētahi atu i a mātou hui?

E mea ana a Ihowa “kia whai whakaaro tātou tētahi ki tētahi, kia whakaohokia te aroha me ngā mahi pai: kei mahue te huihui i a tātou anō.” (Hīperu 10:24, 25) I ā mātou hui, ka tūtaki koe i ētahi tāngata e tino aroha ana tētahi ki tētahi, me te hiahia kia mōhio ki te Atua, pēnā i a koe. Ka rongo koe i a rātou e kōrero ana i ngā whakaaro whakamanawa o roto o te Paipera. (Pānuitia Rōma 1:11, 12.) Ka kōrero hoki koe ki ētahi tāngata takakau, tāngata mārena, kei te koa tonu ahakoa ngā raruraru. Ko ētahi take ēnei e hiahia ana a Ihowa kia hui auau ai tātou!

 KIMI MĀRAMATANGA

4. Ngā hui a ngā Kaiwhakaatu a Ihowa

I te rautau tahi, rite tonu te huihui a ngā Karaitiana ki te karakia ki a Ihowa. (Rōma 16:3-5) Pānuitia Korohe 3:16, kōrerotia tēnei pātai:

• I pēhea te karakia a ngā Karaitiana tuatahi ki a Ihowa?

1. A. Kei roto i a mātou hui ko nga kōrero, nga whakaaturanga, me nga ataata. Ka tīmata, ka mutu te hui ki te waiata me te inoi

2. E. I roto i ētahi wāhi o te hui, ka tonoa ētahi whakautu i te whakaminenga

3. I. Kei te tuwhera ki te katoa​—te whānau, te takitahi, te kaumātua, te tamariki

4. O. Kāhore he utu i ngā hui. Kāhore he utu i te kūwaha, kāhore he pereti kohi moni

 5. Me whakapau kaha tātou ki te haere ki ngā hui

• He aha te take me haere auau tātou ki ngā hui?

 WHAKARĀPOPOTO

Mā te haere ki ngā hui e āwhina i a koe ki te mōhio ki a Ihowa, ki te whakatata rawa ki a ia, ki te karakia me ētahi atu ki a ia.

Titiro anō

• He aha a Ihowa i whakahau ai kia huitahi tātou?

• He aha ngā mea ka ako koe i ngā hui a ngā Kaiwhakaatu a Ihowa?

• He aha anō pea ētahi painga ki a koe o te haere ki ngā hui?