Kahore e roa ana, ka mutu te tinihanga a Hatana me ana nga temoni i nga tama a te tangata. Kua maka ke atu a ratou ki waho o te rangi. (Nga Whakakitenga 12:9) A nga ra tata nei, ka mahi te Atua i tana mahi kia Hatana me ana nga temoni. I roto i te whakakitenga a te Atua, ka mea te apotoro a Hoani: “A ka kite ahau i tetahi anahera e heke iho ana i te rangi, kei a ia te ki o te poka torere, me tetahi mekameka nui i tona ringaringa. Na ka mau ia ki te tarakona, ki te nakahi onamata, ko te Rewera nei ia, ko Hatana hoki, ka herehere i a ia kotahi mano nga tau; Ka maka i a ia ki te poka torere, uakina ana, whakapiri rawa te hiri ki runga ki a ia, kei whakapohehe ia i nga tauiwi i muri iho, kia taka ra ano nga tau kotahi mano.” (Whakakitenga 20:1-3.) A muri atu, ka whakangaromia te Rewera me ana temoni, mo ake tonu atu.—Whakakitenga 20:10.

Nga tangata kikino katoa o runga i te whenua nei, ka whakakorea katoa.—Nga Waiata 37:9, 10; Ruka 13:5.

A muri atu i te whakatahanga atu o Hatana me nga temoni, ka utaina mai e Ihowa ana manaakitanga, ki runga i nga tama a te tangata. Mahara mai koe, ko nga mea kua mate he ora kore, kahore e ora. Whakaritea e Ihu te mate ki te moe—he moe roa kahore he moemoea. (Hoani 11:11-14) I penei ai a ia, na tana mohio, tena te wa, nga mea e moe ana i te mate, ka whakaarahia mai ki te ora. Ka mea a ia: ‘Meake puta te wa, nga tangata katoa i roto i nga urupa ka puta mai.’—Hoani 5:28, 29; whakaritea Nga Mahi a Nga Apotoro 24:15.

Ka whakahokia mai ratou, ki te ora i runga i te whenua. Kahore he panuitanga e, te tangata kua mate, engari, he panui whakakoa, he whakaatu mai i nga mea kua whakahokia mai, i te mate! Anei te koa, ki te powhiri i nga mea i arohanui tia, kua hoki mai i te urupa!