Te Whenua Pararaiha
Ko Ihowa, mana e tino wewete nga mahi kikino katoa i mahia e Hatana. Kua whakatu ia e Ihowa a Ihu hei kingi mo runga i te whenua. I raro i tona rangatiratanga, ka mahia e ia te whenua kia rite ki te pararaiha.—Raniera 7:13, 14; Ruka 23:43.
Enei mea na Ihowa i oati mai:
-
MAHA NGA KAI: “Kua tuku mai nei te whenua i ona hua; a ka manaaki te Atua, to tatou Atua, i a tatou.” “He kutanga witi tera i runga i te whenua, i te tihi o nga maunga; ngarue ana ona hua.”—Nga Waiata 67:6; 72:16.
-
WHAKAMUTUA TE WHAWHAI: “Haere mai, tirohia nga mahi a Ihowa, nga whakangaromanga i whakaputaina e ia ki te whenua. E whakamutua ana e ia nga whainga, a te pito ra ano o te whenua.”—Nga Waiata 46:8, 9.
-
KAHORE HE TANGATA KIKINO: “No te mea ka hatepea atu te hunga kino: . . . Kia potopoto ake nei hoki, a ka kore noa iho te hunga kino: ae ra, ka ata tirohia e koe tona wahi, a kore kau noa iho ia.”—Nga Waiata 37:9, 10.
-
KAHORE HE MAUIUITANGA, TE POURI, TE MATE: “Ko reira nga kanohi o nga matapo kite ai, a ka puare nga taringa o nga turi. Ko reira te kopa tupeke ai, ano he hata, ka waiata te arero o te whango.”—Ihaia 35:5, 6.
“Ko te Atua nei ano hei a ratou, hei Atua mo ratou: Ka murua hoki e ia nga roimata katoa i o ratou kanohi; a kore ake he mate; kahore hoki he aue, kahore he tangi, kahore he mamae, i nga wa i muri nei: kua pahemo atu hoki nga mea o mua.”—Whakakitenga 21:3, 4.
Kahore kau i penei ia Hatana me nga temoni, ko Ihowa e kore rawa ia e teka. Nga mea katoa i whakaaria mai e ia me tutuki i te pono. (Ruka 1:36, 37) I runga i te aroha o Ihowa kia koe, ka hiahia aia kia noho koe i roto i te Pararaiha ka hanga e ia. No reira whakapapa atu ki Nga Kaiwhakaatu a Ihowa hei arataki ia koe ki nga mea whakamiharo, pono, i roto i te Kupu a te Atua. Ki te mahia e koe te mea pono i tou oranga, ka whakawatea ia mai koe i nga herehere o te teka, nga wehi ki nga atua maori, ki nga kuaretanga. A te wa, ka wetekia mai koe i te herehere ki te hara me te mate. I ta Ihu i whakapuaki mai: “A e matau koutou ki te pono, ma te pono ano koutou ka rangatira ai.”—Hoani 8:32.
Tērā Pea Ka Pai ki a Koe
ESSENTIAL BIBLE TEACHINGS
He Aha te Kīngitanga o te Atua?
I a Ihu e kauhau ana, i nui atu tāna kauhau mō te Kīngitanga o te Atua i tētahi atu kaupapa. He maha ngā rautau, kua inoi āna ākonga kia tae mai taua Kīngitanga.
