Ka hangā e Ihowa te wahine tuatahi, a Īwi, ka hoatu ki a Ārama hei wahine.​—Kēnehi 2:21, 22.

I hangā rāua e Ihowa ki te hinengaro me te tinana paruhi, kāhore nei he hē.

Ko tō rāua kāinga Pararaiha ko te kāri o Ērene—he wāhi tino ātaahua me tētahi awa, me ngā rākau hua, me ngā kararehe.

Ka kōrero a Ihowa ki a rāua; ka whakaako i a rāua. Me i whakarongo rāua ki a ia, ka ora ake tonu rāua ki te whenua i Pararaiha.

Ka whakaatu e Ihowa tētahi rākau hua i te kāri ki a Ārama rāua ko Īwi, ka mea ki a rāua, ki te kainga ka mate rāua.

Ka whakakeke tētahi o ngā anahera ki te Atua. Ko taua anahera kino ko Hātana te Rēwera.

Kāhore a Hātana i pai kia whakarongo a Ārama rāua ko Īwi ki a Ihowa. Ka whakamahia he nākahi kia mea ki a Īwi, ki te kai ia i te hua o taua rākau, e kore ia e mate, erangi ka rite ia ki te Atua. Otirā, he teka tērā.​—Kēnehi 3:1-5.