WĀHANGA 5
Te Waipuke Nui—Ko Wai i Whakarongo? Ko Wai Kāhore?
He kino ngā mahi a te nuinga i ngā rā i a Noa. Kēnehi 6:5
Ka whānau tamariki a Ārama rāua ko Īwi, ka tini haere ngā tāngata i te whenua. I taua wā, ka whakauru mai ētahi anahera anō ki te tutū a Hātana.
Ka haere mai rātou ki te whenua, ka whaihanga tinana tāngata mō rātou kia moe ai ki te wāhine. Ka whānau tama mārohirohi ngā wāhine, he nanakia, he kaha hoki rātou.
Ka kī haere te ao i ngā tāngata kino. E kī ana te Paipera “he nui te kino o te tangata i runga i te whenua, he kino hoki ngā tokonga ake o ngā whakaaro katoa o tōna ngākau i ngā wā katoa.”
Ka whakarongo a Noa ki te Atua, ka hanga i tētahi āka. Kēnehi 6:13, 14, 18, 19, 22
He tangata pai a Noa. Ka mea a Ihowa ki a Noa ka whakangaromia e Ia ngā tāngata kino mā tētahi waipuke nui.
Ka mea hoki te Atua ki a Noa, kia hangā e ia he waka tino nui, ka huaina he āka, ā kia kawea tōna whanau ki roto, me ngā momo kararehe katoa.
Ka whakatūpato a Noa i te iwi mō te Waipuke meake puta mai, kāhore rātou i whakarongo. Ka kataina ia e ētahi; ka mauāharatia e ētahi atu.
Oti rawa te āka te hanga, ka mauria mai ngā kararehe e Noa ki roto.
