Upla nani Baibil dîa smalki ba tânka bribia dukiara, Jehova witniska nani ba tnatka painkira kum yus munisa. Baibil stadi takaia programka ba naha tnatka nani ra hilp mai munaia sip sa:

•   Rayaka lilia kum briaia.

•   Gâd pânika takaia.

•   Kaina piua dukiara Baibil dîa pramis muni ba lan takaia.

Naha pîska ra naha makabi walanka nani ansa munisa:

•  ¿Baibil klaska nani nahki daukisa?

•  ¿Lalah aibapaia sna ki?

•  ¿Stadika ba piua an kabia?

•  ¿Nahki tâ krikaia sip sna ki?

•  ¿Stadika nahki dauki ba kaikaia sip sna ki?

•  Baibil klaska kum brimna kaka, ¿Jehova witniska takaia sna ki?

•  ¿Yang Baibilki yus munaia sip sna ki?

•  ¿Upla kum yuli kahbaia sip sa?

•  Yang pat aima kum Jehova witniska nani wal Baibil stadi takri kaka, ¿kli stadi takaia sip sna ki?

•  ¿Yang yakan Baibil stadi takaia tnatka kum bâra sa ki?

 Smasmalkra kum mita Baibil smalkanka bani tânka briaia dukiara klaska maikbia. Baibil stadi takaia hilpka ¡Man lilia bas ban kaia ra! bukka ba wal, Baibil dîa smalki ba bara baha ba nahki hilp mai munaia sip ba tawa tawa lan takma. Kau nu takaia want sma kaka, naha lilkika ba kaiks.

 Apia. Jehova witniska nani ba Jisas ai disaipilka nani ra dîa win ba kat daukisa: “Prisant briram [...] mana bripara” (Matiu 10:8). Baku sin Baibil klaska briaia dukiara dîa nit sma ba mana aibapaia nit apia sma. Baha tilara sa Baibil kum bara ¡Man lilia bas ban kaia ra! bukka ba.

 Klaska aiska ba 60 smalkanka nani brisa. An awar stadi takaia want sma ba laki kaikaia sip sma. Upla manis wik bani smalkanka kumi stadi takaia laik sa, bara wala nani laik sa kau stadi takaia.

1.  1. Internet ra “man dukiam ra aisas” pîska bâk makabanka ba ulbi blîks. Man dukiam ra dîa ulma ba Jehova witniska nani man wal aisaia dukiara baman yus munbia.

2.  2. Jehova witniska kum Baibil stadika maikbia ba man wal aisabia. Baibil stadika nahki daukbia tânka mai marikbia, bara ani makabi walanka brisma ba ansa munbia.

3.  3. Ahkia bara nahki tnatka ra klaska brima dukiara witin wal aisas. Tnatka manis ra klaska nani briaia sip sma. Wih mai kaikaia sip sa, apia kaka teléfono bâk, videollamada bâk, wauhkataya apia kaka Internet ku pana pana ulbi. Upla manis ba awar kum stadi takisa, kuna upla bani ai mihta ra sa kau yari apia kaka kunhku daukaia.

 Âu. Baha dukiara, Internet ra “man dukiam ra aisas” pîska bâk makabanka ba ulbi blîks. Smasmalkra kum man wal aisabia taim wis, klaska ba nahki sa sapa kaikaia dukiara aima kumi baman briaia want sma ba. Bara witin ¡Man lilia bas ban kaia ra!wauhkataya, pas smalkanka nani yumhpa bri ba yus munbia.

 Apia. Jehova witniska nani ba upla wal Baibil stadi takaia laik sa, sakuna upla kumi ra sin taibi munras witnis kum takbia dukiara. Rispik lâka wal Baibil dîa smalki ba tânka marikisa, bara pain nu sa upla bani dîa kasak lukbia wahbi sakaia ai raitka brisa (1 Pita 3:15).

 Âu. Man ani Baibil bîla lakanka laik sma ba yus munaia sip sma. Jehova witniska nani ba Traducción del Nuevo Mundo Baibilka yus munisa, kan bîla lakanka pain brisa bara wan tânka briaia isi sa, sakuna yawan nu sa upla manis silp ai Baibilka yus munaia kau laik sa.

 Âu. Pamalikam apia kaka pâmnika nani paiwaia sip sma.

 Âu. Bara ban kra nanara kau laik kaikma. Kan Baibil klaska nani ba upla nitka nani ra luki, tnatka raya ridi daukan sa. Pana pana aisaia kau chans bâra sa, bara lilka nani kau ailal yus munisa.

 Âu. Upla kum mita smalkisa taim lan takaia kau isi sa, sakuna upla kum kum pas ba yakan stadi takaia want sa. “Ayudas para estudiar la Biblia” pîska ra Baibil stadi takaia hilpka ailal mana luha yus munaia sip sa. Naha nani ba tila wina kum kum sa:

•   Videos sobre la Biblia. Baibil smalkanka bapanka nani dukiara bîla prahni ra tânka marikisa.

•   Preguntas sobre la Biblia. Makabi walanka sât sât dukiara Baibil wina ansa munisa.

•   Textos bíblicos explicados. Baibil tikska nani upla manis kakaira ba dukiara tânka marikisa.