Upla nani dîa aisi ba: Jehova witniska nani ba daktar nani hilpka plikras sa, kan witin nani sîka nani ra kasak lukras sa.

 Raitka ba: Jehova witniska nani ba dîa sip ba kat trai kaikisa ai wîna tara ra main kaikaia dukiara bara daktar pain dimaia. Yawan apia kaka wan pamalika tilara upla kum siknis apia kaka aparit takaia nit sa kaka, tala yus munraskira aparit dauki daktarka nani wal laki kaiki makabi walisa. Bara naha sât aparitka nani ra tnatka raya nani takan ba dukiara tingki lukisa. Naiwa piua ra upla manis ba tala yus munraskira aparit apia kaka sîka nani briaia sip sa, naha ba upla wala talia wina siknis nani briaia apia dukiara wan kaina kahbisa.

 Upla nani dîa aisi ba: Jehova witniska nani ba ai kasakka lukan lâka wal siknis nani wina rawisa.

 Raitka ba: Yawan aima kumi ra sin lukras sa wan kasakka lukan lâka wal siknis nani wina rawbia.

 Upla nani dîa aisi ba: Tala yus munraskira aparit nani, apia kaka sîka nani briaia ba uba mana sa.

 Raitka ba: Tala yus munraskira aparit, apia kaka sîka briaia ba yamnika kau tara brisa. a

 Upla nani dîa aisi ba: Jehova witniska ailal, bara tuktan nani sin mani bani tala yus munras ba mita pruisa.

 Raitka ba: Naha sât sturka nani ra kasak lukaia dukiara tâ baikanka kumi sin âpu sa. Naiwa piua ra daktar nani ba aparit tara nani daukisa, baha aparitka tilara sa: upla dusa apia kaka kupia aparitka. Tala yus munraskira upla wîna tara pîska kum upla wala ra aparit muni mangkaia. b Naha sât aparitka bri uplika nani ba, tala yus munan uplika nani ba wal, tuktan nani kabia kra sin, sim sât apia kaka kau pain rawi banhwisa. c Upla kumi sin nu âpu sa, tala yus munraskira aparit takbia kaka upla kum prubia apia kaka yus munbia kaka ban raya kabia sapa.

 Yang nani Jehova witniska nani ba Baibil dîa wi ba nina bliki ba mita tala yus munras sa, kan Testament Almuk bara Testament Raya ra wan blikisa wan wîna tara ra tala yus munaia apia (Blasi Sturka 9:4; Libait Lâka 17:10; Kli Smalkanka 12:23; Apastil Nani Sturka 15:28, 29). Baku sin, Gâd mapara tala ba upla rayaka tânka sa (Libait Lâka 17:14). Baha mita yang nani Jehova witniska nani ba naha Baibil smalkanka nani ba bîla walisa, kan Gâd ra rispik munisa witin sika wan rayaka wankan.

 Piua kum ra daktar nani ba sibrin luki kan tala yus munraskira aparit nani apia kaka sîka nani yus munaia, kan aisi kan naha sât dukia nani ba upla rayaka nani tikaia sip kan. Kuna baha sât lukanka nani ba naha piua nani ra chens takan sa. Tânka kum baku, 2004 manka ra daktar nani upla wîna tara yamnika dukiara wauhkataya kum ulbi sakan ba ra pîska kum ra naku aisi kan: “Jehova witniska nani aparit apia kaka sîka tala yus munraskira tnatka nani yus muni ba mani aula nani ra upla sut baha tnatka nani sin yus muni kabia”. d Bara 2010 manka ra Medicina Transfusional bukka ba naha tnatka nani ra tingki “nanara tala yus munraskira aparit nani daukaia ba upla nani ba aparit wala nani dauki ba baku kaikbia”.

 Tasba aiska ra daktar tausin tausin nani ba tala apahki nanara tala yus munras aparit tara nani dauki banhwisa. Naha sât tnatka nani ba kuntri umpira nani ra kat sin pat bâra sa, bara Jehova witniska apia nani kat sin baha tnatka nani yus munisa.