Yang nani kaikri, rilidian bri uplika nani manis ba Baibil tânka dukiara aisaia laik sa. Klir sa, upla sut ba silp diaura kasak lukaia ai raitka brisa, bara baha ba yang nani rispik muni banhwisna. Baha mita wan smalkanka nani alki daukbia upla kumi ra sin taibi munras.

 Rilidian lukanka nani dukiara smalki banhwisna taim Baibil wi ba baku “bawikira bara kulkan lâka” wal upla nani ra aisaia trai kaiki banhwisna (1 Pita 3:15). Upla sut lika wan walras ba nu banhwisna (Matiu 10:14). Ban sakuna, uplika wal aisaras kaka, witin dîa luki ba nu takaia sip apia sa. Baku sin, upla lukanka bara rayaka ba piua bani chens takisa.

 Tânka kum baku, uba wark bri ba mita wan walaia sip apia win uplika ba, aima wala ra ban kra wan walaia sanska bribia. Baku sin, upla nani ba yu bani trabil sâtka wala nani brisa, bara baha tâka Baibil hilpka plikaia want kabia. Baha mita, yang nani aima ailal upla wal aisaia trai muni banhwisna.