Tasba Raya Gâd Pramis Muni Ba

Baibil ra, bila kaikanka tara kum wankisa: “Yawan lika, Gâd pramiska ba kat, heven raya nani bara wan Tasba raya sin bila kaikisa, bara baha ra lika diara sut ba kasakkira bara pain baman kabia” (2 Pita 3:​13 Dawan Bila Lâ Raya Wauhkataya 1986).

“Heven raya nani” ba dia tanka sa ki? Baibil ra gabamint kum baku tanka praki marikisa (Wark nani 7:​49). “Heven raya nani” ba gabamint raya kum Tasba purara ai karnika mangki bribia ba tanka sa. Raya sa wisa, kan gabamint nani Tasba pura ra bangwi na pliska ba bribia, baha purkara, naha ba Gâd dia daukbia ba ra mina lulkanka kum tara pali kabia. Bara naha kingka laka dukyara sika Jisas mita wan pura sunra ra makabia wan win kan ba (Matyu 6:​10). Kan heven ra iwi ba Gâdka bui mangki ba mita “heven kingka laka” makisa (Matyu 7:​21).

“Tasba raya” ba dia tanka sa ki? Tasba wala raya paskaia tanka dukyara apia sa, kan Baibil ba param marikisa, ban Tasba purara upla nani iwi kabia. “Tasba raya” ba, upla aipaswanka raya bara kabia ba tanka sa. Raya makisa, kan upla saura nani ba Tasba na wina daiki sakan kabia (Sins laka 2:​21, 22). Uplika nani ba Papaskra ra bila wali, mayuni kabia bara ai lâka kat iwi bangwi kabia (Lawana 22:27). Nisan sut uplika ra paiwisa Gâd lâka nani ba kakaira taki, ai rayaka ba brih impakaia. Man baku daukisma ki?

Gâd Tasba raya daukbia ba ra, upla nani sut ba ai gabamintka ra kulkanka yabi kabia. Man Gâd ra latwan kaikisma ki? Baku sa kaka, bila walisma ki? (1 Jan 5:3.) Bara wamtla ra, warkkam ra bara kul dimisma pliska ba ra Gâd ra latwan kaikisma ba daukankam wal marikisma ki? Man iwankam wal dauki marikisma ki?

Baha Tasbaia ra, upla nani ba, asla laka ra rait aihwa Gâdka ra mayuni bangwi kabia. Man heven bara Tasba Papaskrika ra mayunisma ki? Upla nisan, kyamka bara bila aisanka wala nani wina, man wal Gâd ra mayuni bangwi ba aikuki rait pali asla bangwisma ki? (Lawana 86:​9, 10; Aiseya 2:​2-4; Sipanaia 3:9.)

 [Wahya 17 bakska ba]

Naha pramiska nani daukan Gâdka ba

Witin ba heven bara Tasba na Papaskra sa, witin ra sika Jisas Kraist mita win “Gâd kumi baman kasakkira” ba (Jan 17:3).

Upla aihkika ba, witin nani silp paskan gâdka nani ra mayunisa. Wala milian nani ba, aidul lilka rayakas nani ra mayuni bangwisa. Bara wala nani ba upla paskanka nani ra, diara ailal briaia lukanka nani ra apia kaka ai brinka nani ba kau purara mangki brisa. Tilara wala nani ba Baibil ra lukisa wisi ‘Dawan Gâd aihwakira’ Baibil ra nina mariki ba ra kulki bangwras sa (Kli smalkan 4:​35).

Papaskra ba witin ai dukyara naku aisisa: “Yang sika Dawan [Jehova NM ], baha ba yang nini sa” (Aiseya 42:​5, 8). Baibil ba pas bila ra ulban pyua ra, naha nina ba aima 7,000 prais taki kan. Jisas Kraist mita ai nina blablikra nani ra ai pura sunaia smalkan: “Yawan Aisa kasbrika purara sma ba, ninam ba hulikira kulkan kabia” (Matyu 6:9).

Rait aihwa Gâdka ba dia sat uplika sa ki? Witin silp marikisa, witin ba “kupia swapni umpira kaiki ba, ai kupia alki takaski, latwan kaikaia laka tara bara kasakka laka sin bri ba. [ . . . ] Sakuna pâtkira uplika ba mapara, babura taki saura dauki ba; klala yabras ban swiras sa” (Impakan sturka 34:​6, 7). Witin mita upla nani wal asla nahki iwanka laka brin ba ra baha dukyara rait marikan sa.

Nina ba, bara ya baha nina bri uplika ra hulikira kulkaia sa. Witin ba Paskanka Aiska Gâdka sa, baha mita witin ra kasak kulki bila wali kaia sa. Man baku daukisma ki?

 [Wahya 18 bakska ba]

Ani nani ba “heven raya nani” bara “tasba raya” yamnika kabia?

Tasba na paradais kum ra lakan kabia Luk 23:43

Upla kyamka, nisan bara bila aisanka Jan 13:35;

nani sut wina latwan laka Param marikan 7:9, 10

ra asla iwi kabia

Pât apu bara Tasba aiskara kupia Lawana 37:10, 11;

kumi laka bara kabia Maika 4:3, 4

Wark pain bara plun ailal Aiseya 25:6; 65:17, 21-23

bara kabia

Siknis nani, latwan inanka Aiseya 25:8;

nani bara prura ba apu kabia Param marikan 21:1, 4

Baha Tasbaia ra upla nani sut Param marikan 15:3, 4

ba rait aihwa Gâdka ra mayuni bangwbia

 [Wahya 19 bakska ba]

Man baha yamnika nani brima ki?

“Gâd, witin kunin aisaras.” (Taitus 1:2.)

Jehova naku aisisa: “Yang [ . . . ] bili nani ba ma sakras kli yang ra taui balbia apia, sakuna dia daukaia brin ai dauki ba baha daukbia, blikri ba kat takbia” (Aiseya 55:11).

Jehova mita pat “tasba bara heven raya nani” paskisa, kan heven gabamintka ba ai warkka dauki ta krikan sa, baha mita “tasba raya” plamaika ba sin pat bapan sa.

Yamnika nani “tasba raya” bara “heven raya nani” ba ra kabia aisan ba ningkara, Jehova, witin Paskanka Aiska Gâdka ba, Param marikan (Reveleshan) bukka ra naku aisisa: “Kais, nanara yang diara nani ba sut raya daukisni”. Naku sin win: “Naha na uls, kan bila nani na kasak sa bara baha nani kat kasak kulkaia aitani sa” (Param marikan 21:​1, 5).

Baha mita yawan kumi bani ba wan makabi walaia sa: “Rayaki ba yamni laka ra brisna ki, ‘heven raya nani’ daukbia gabamintka munuhtara, ‘tasba raya’ uplika baku ai kulkbia dukyara?”.