Mani 4026 y.p.n. ningkara

“Piuta ba” Jehova king aimakaia karnika bri ba bara nahki dauki ba mapara saura aisisa. Jehova pramis munan “kiamka ba” Sitan ra sauhki tikbia (Blasi Sturka 3:1-5, 15). Sakuna Jehova taim kum yabisa, upla nani silp tâ bribia naha tasba ra Sitan karnika mununhtara ba.

Mani 1943 y.p.n.

Jehova mita Ebraham ra pramis munisa ai kiamka wina kum sâkbia “kiamka” pramiska ba aimakaia dukiara (Blasi Sturka 22:18).

Mani 1070 y.p.n. ningkara

Jehova king Debit ra bara ningkara Salaman ra sin pramis munisa “kiamka” pramis munan ba witin pamali wina kabia (2 Samuil 7:12, 16; 1 King Nani 9:3-5; Aiseya 9:6, 7).

Mani 29 y.p.

Jehova param wisa Jisas ba “kiamka” sa bara Debit kingka lâka ba ai mihta ra kabia (Galesha 3:16; Luk 1:31-33; 3:21, 22).

 Mani 33 y.p.

Sitan mita, “piuta ba” yabisa upla nani ba Jisas ikbia, ba wal “kiamka” ra saura munisa, kuna taim wiria baman. Jehova mita Jisas pruan wina kli bukisa, heven ra brih wisa, bara ai rayaka mana yamni brisa. Jisas rayaka mana ba wal saurka lâka ba padin wan munisa bara Adam kiamka nani raya ban kaia lâka briaia sip kabia (Blasi Sturka 3:15; Apastil Nani Sturka 2:32-36; 1 Korint 15:21, 22).

Mani 1914 y.p. lamara

Jisas mita “piuta” tasba ra lulkisa bara adar yabisa tasba ra kabia, kuna piu wiria baman (Param Marikan 12:7-9, 12).

Naika piua ra

Jisas bui Sitan priskan kabia 1,000 mani bara las kat sauhki tikisa. Baku bamna, ai lal ra insauhkbia ba baku sa. Nanara lika Jehova kupia lâka daukan kabia tasba bara upla nani dukiara. Gâd nina ba kulkanka lâka bribia bara ai king aimakaia lâka ba kau yamni sa marikan kabia (Param Marikan 20:1-3, 10; 21:3, 4).