Ulbanka Daknika 8

Baibil kaina pyua dukyara aisi ba tnata aimakisa

BAIBIL ba diara pyu luan ra takan ba aisisa, bara baku sin kaina pyua ra dia takbia ba dukyara wan wisa. Upla nani ba kaina pyua ra dia takbia ba dukyara wiaia karnika apu sa. Baha mita yawan nu sa Baibil ba Gâd wina balan ba. Sakuna Baibil ba dia wan aisisa kaina pyua dukyara?

Gâd warka tara dukyara aisisa. Gâd mita naha warka ra saurka laka ba bara upla saura nani ra tasba wina sut sakan kabia, sakuna ya witin ai dukya dauki nani ra kaina kahbia. Jisas Kraist, Gâd mita king mangkan ba sip daukbia Gâd napakanka nani ba kupia kumi bara lilia laka yamnika ba bribia, bara witin nani aima kumira sin kli siknis takbia apia bara prui bangwbia apia.

Gâd paradais raya kum tasba ra daukai ba dukyara, rait apia yawan lilia bangwi kaia sa ki? Sakuna yawan baha ra iwaia sa kaka diara kum daukaia sa. Naha bukka sturka las ra, yawan lan taki bangwisa Gâd napakanka nani ba dia dauki kaia sa yamnika painkira nani briaia dukyara. Baha mita, ULBANKA DAKNIKA 8 na aisi kaiks, bara Baibil kaina pyua dukyara aisi ba tanka pain pliki kaiks.