Sturka 115

Tasba Ra Paradais Raya Ba

DUS tara, tangni bara il nani ba kaiki kais. Painkira sa rait apia? Tuktan kum mihta wina, sula kum pi ba kaiki kais. Layan bara aras nani bui ba sin kaiki kais. Man naha pliska baku kum ra, iwaia want sma ki?

Gâd brinka sa naiwa pyua ra upla nani latwan pâtka wauhwi ba wina luha, tasba ra ban kaiara paradais kum ra iwbia. Ya nani paradais ra iwbia ba ra, Baibil ba naku pramis munisa: ‘Gâd witin nani aikuki kabia. Prura, inanka bara wîna latwanka nani sin kli apu kabia. Diara almuk nani ba luan kabia.’

Jisas ta bri kabia naha dukya painkira nani na daukaia dukyara. Man nu sma ahkia daukbia? Tasba na wina saurka laka bara upla saura nani ba sut sauhki tikbia ningkara. Amya tikpara Jisas tasba ra tauki kan pyua ra upla nani ra siknis sat sat wina rakan ba, bara pruan nani ra kat sin kli bukan. Baku witin marikan Gâd kingka laka ra king aimaki kabia pyua ra, tasba aiskara diara daukaia karnika bri kabia ba.

Man luki kais paradais raya ra iwaia ba nahki pain kabia! Jisas bara witin mita bak saki brin uplika kum kum ba aikuki heven ra king aimaki tasba ra upla iwbia nani ra help munbia lilia kabia dukyara. Kaisa nanara Gâd mita paradais ra, raya ban kaia laka wankbia dukyara yawan dia daukaia ba kaikaia.

Param marikan 21:3, 4; 5:9, 10; 14:1-3.