Ulbanka Daknika 1

Diara nani paski ta krikan ba wina Lisamra tara ba kat

Ani wina heven bara tasba ba balan? Yu, kati, slilma bara tasba ra diara wala nani ailal bara ba, nahki taki bangwan ki? Baibil ba naha paskanka nani dukyara ansika kasak ba wankisa. Baha mita bukka na diara nani paskan ba dukyara pas aisi ta krikisa.

Gâd upla nani witin baku pas paskan ba dukyara lan takaisa. Witin nani ba insal kan. Sakuna tasba na yawan satka uplika nani dukyara paskan. Baha mita Gâd bui waitna bara mairin kum nina Adam bara Iv maki kan ba ra paski, gadin painkira kum ra mangkan. Sakuna witin nani Gâd bila walras kan ba mita raya ban kaia dukyara raitka ba lus tiwan.

Adam ra paskan ba wina Lisamra tara ba kat, sut ba ra mani 1.656 bara sa. Baha pyua ra upla saura nani ailal iwi bangwi kan. Sitan bara ai insalka saura nani ba, spirit uplika nani sip kaikras ba baku, heven ra bangwi kan. Kên bara upla saura wala nani ailal ba tasba ra kan, bara waitna nani sat aihka ba sin baha nani tilara kan, witin nani ba uba karna pali kan. Sakuna upla pain nani sin tasba ra bara kan... Ebel, Inok bara Noa. Naha Ulbanka Daknika KUMI ra, naha uplika nani bara diara nani takan ba dukyara aisi kaiki kabia.