Gadin Painkira Kum
Sturka 2
Gadin Painkira Kum
TASBA na kaiki kais! Nahki diara nani sut pain ba! Twi, dus, tangni, bara daiwan nani ba kaiki kais. Layan bara sula nani bara ba kaikisma ki?
Ani wina naha gadinka painkira na takan? Kaisa Gâd nahki yawan dukyara tasba na ridi daukan ba kaikaia.
Taura, Gâd twi sangni ba pas paskan tasba na pura prakaia dukyara. Bara dus lupia nani satka ailal, inma bara dus tara nani ba sin daukan. Naha dukya nani pawi ba mita tasba na kau prana daukisa. Baha purkara, dus ailal ba plun auhni nani wankisa.
Baha ningkara, Gâd inska nani ba paskan liura yawi tauki kabia bara tnawira nani ba pasa purara pâli kabia dukyara. Witin yul, pus bara aras nani ra sin paskan; daiwan tara bara daiwan sirpi nani ra sin. Wamtla lamara daiwan nani bara sa ki? Naha dukya nani sut yawan dukyara paskan ba ra marikisa, Gâd nahki kupia pihnikira ba!
Tnata kat, Gâd tasba piska kum ba painkira pali daukan. Nina Eden gadinka makan. Pliska ba uba pain pali kan. Diara sut ba yamni kan. Bara Gâd want kan tasba aiska na baha gadinka painkira ba baku kabia.
Sakuna lilkika na kli laki kais. Man nu sma ki, gadinka na ra dia kau apu kan Gâd kaikan ba? Kaisa kaikaia.
