Ulbanka Daknika 4

Israel kingka pas ba wina Babilun ra priski brihwan ba kat

Israel kingka pas ba Sâl kan. Sakuna Jehova mita lulkan, bara Debit ra saki brin Sâl watlika ra king aimakbia dukyara. Yawan Debit dukyara diara ailal kaikbia. Witin wahma kan taim Gulaiat wal aiklaban. Ningkara, king tatumra Sâl sia plapan. Baha wina mairin painkira Abigail ba mita, sinskas laka kum daukbia swiras kan.

Baha ningkara yawan Debit luhpia, Salaman dukyara diara ailal lan takbia, witin sika Debit watlika ra Israel kingka aimakan ba. Israel kingka pas nani yuhmpa kan ba, kumi bani 40 mani king aimaki bangwan. Salaman pruan ningkara, Israel nisanka ba king iwanka wal ra baiki sakan, kum ba yahbra ra bara wala ba waupasa ra.

King laka kyamka 10 yahbra ra kan ba, 257 mani iwan, Asiria uplika nani mita sauhki tikras kan kainara. Bara 133 mani luan ningkara, king laka kyamka wal waupasa ra kan ba sin sauhki tikan. Baha pyua ra Israel uplika nani ra priski Babilun ra brihwan. Baku bara Ulbanka Daknika WALHWAL na 510 mani sturka dukyara aisisa, bara baha pyua ra diara nani ailal takan, yawan mapara kaikaia aihka painkira kabia.