Ulbanka Daknika 6

Jisas aisubanka ba wina pruanka ba kat

Insal kum nina Gebriel, tyara painkira kum nina Meri ra blikan kan. Insalka mita Meri ra luhpa kum baikbia win bara luhpia ba ban kaiara king aimakbia. Luhpia nina Jisas makan, witin daiwan watla kum ra aisuban, ningkara syîp main kakaira nani mita wih kaikan. Baha wina, slilma kum mita waitna nani lalma tani wina auya kan ba ra ta brih Jisas kat brih wan. Lan takbia ya mita slilma ba yaban waitnika nani ba kaikan, bara Jisas ra ikaia trai kaiki kan ba wina, nahki muni swakwi sakan ba dukyara sin.

Baha ningkara, Jisas 12 mani bri kan pyua ra, tempel ra smalki uplika nani aikuki aisi kan sakan. 18 mani luan ningkara Jisas ra tahbi daukan, bara witin Gâd kingka laka smalkaia dukyara Tasba ra blikan kan ba, smalki ta krikan. Naha warkka dauki help munbia dukyara, Jisas waitna 12 ra pliki brin witin nani ba ai disaipelka nani kabia dukyara.

Jisas sain nani sin daukan. Upla tausin nani ra inska bara brit kum kum nani wal dakakan. Sikniskira nani ra rakan bara pruan kan nani ra kat sin kli raki bukan. Tnata kat, Jisas rayaka yua las ba ra, diara nani ailal takan ba bara witin ra nahki ikan ba dukyara lan taki kabia. Jisas ba mani yuhmpa pura bakriki baku smalki taukan, baku bara ULBANKA DAKNIKA 6 na 34 mani pura baku dukyara aisisa.