Ulbanka Daknika 2

Lisamra tara ba wina Idsipt ra pri takan ba kat

Lisamra tara ba wina upla 8 baman raya luan, sakuna pyu nani luan bara witin tausin nani ra taki bangwan. Lisamra tara takan ba wina mani 352 luan ningkara, Ebraham ba aisubi takan. Bara Gâd mita Ebraham ra luhpa waitna kum nina Aisak yabaia pramis munan kan aimakan ba dukyara lan takaisa. Baha ningkara, Aisak luhpia waitna wal ba wina, Jekob ra saki brin ba dukyara kaikbia sin.

Jekob ba pamali tara bri kan, luhpa waitna 12 bara luhpa mairin nani sin bri kan. Bara luhpia waitna nani 10 ba bui ai muihka kau wahma Josep ra misbara kaiki bangwi kan, baha mita Idsipt kuntrika ra alba baku kabia wisi witin ra atkan. Sakuna kaina tanira Josep ba Idsipt kuntrika lalka tara kum takan. Plun wauhwan saura kum balan pyua ra, Josep mita ai muihka nani ra traika kaikan, ai daukanka nani ba sins munan sapa kaikaia dukyara. Tnata kat, Israel uplika nani aiska ba wibia sa kaka Jekob pamalika ba, Idsipt ra wan. Naha ba Ebraham aisuban wina 290 mani luan pyua ra takan.

Sakuna 215 manka nani wala ba, Israel uplika nani Idsipt ra iwi kan. Ban sakuna Josep pruan ningkara, witin nani ra alba baku bri kan. Baha pyua nani ra Moses ba aisubi takan, bara Gâd mita witin ra yus munan Israel uplika nani ra Idsipt wina pri sakaia dukyara. Ulbanka Daknika WAL na, 857 mani nani sturka dukyara aisisa.