“Kan kuntri kumi mita wala mapara aiklabia, tasba kum mita wala mapara war aiklabia; [. . .]. Naha sut na lika pât wahwaia tâka ba sika.”

(Matiu 24:​7, 8)

“Kuninkira ailal bubia, bara wibia witin nani ba Gâd prapitka sa, bara upla ailal ra kunin munbia. Saurka uya kabia bamna, upla nani pana pana latwan lâka bri ba aihkika sut swibia.”

(Matiu 24:​11, 12)

“Sakuna man nani war sturka bara trabil nani ba sin walma ba ra, sirang iwpara, baha ba baku kaia sa bamna; sakuna tnata piua ba kau kabia.”

(Mark 13:7)

“Tasba nikban tara nani kabia, plun tiwan bara siknis sât sât nani plis ailal ra, bara kasbrika purara diara sibrinkira nani, sain aihka nani sin kabia.”

(Luk 21:​11)

 “Baku sin man nani tânka bri kaia sma, tnata yua nani ra piua karna nani balbia. Upla nani ba klauna ai dukiara baman luki kabia, lalah ra latwan kaikbia, kakalra kabia [apia kaka silp aimayuni ba] bara sin diara lalihkra kabia, Gâd mapara aisi kabia, ai aisika bîla walras kabia, tingkikas kabia bara serts ra rispik âpu kabia. Ai uplika nani ra latwan bara umpira sin kaikbia apia, upla nina aisasara nani kabia, ai wîna brinka nani sip alki takaskras kabia, kupias nani bara diara pain nani waihla kabia. Upla nani ra kunin muni pât ra dingki kabia, ai kupia lukras diara dauki kabia, prautkira nani kabia; Gâd ra plikaia ba watlika ra, ai wîna brinka nani pliki kabia. Gâd ra lukaia lâka ba pain talia kulki nani kabia, sakuna ai daukanka ba ni lika apia, kristian lâka kasak karnika ba daukbia apia.”

(2 Timoti 3:​1-5)