“Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.”

(Blasi Sturka 3:​15)

“Bara man kiamkam ra praki nisan wala nani sut tasba aiska ra bâra ba sin yamnika yan kabia, man bui yang bîli wali daukram ba mita.”

(Blasi Sturka 22:​18)

“Man king aimakaia ba yarka balbia. Man kupiam lâka tasba ra daukan kabia, kasbrika purara dauki ba baku.”

(Matiu 6:​10)

“Bara naika pali kupia kumi Gâdka mita man nani minam mununhtara Sitan ba taibia.”

(Roman 16:​20)

“Bara diara sut Kraist munhtara yan bawan kabia ba ra, Kraist pali Gâd Luhpia ba sin, Gâd munhtara bawbia, witinka diara sut ai mina munhtara yan bawan ba, baku Gâd ba aiska pali king aimakbia upla nani sut purara.”

(1 Korint 15:​28)

 “Bamna nanara, Gâd mita Ebraham ra bara ai kiamka ra sin pramis daukan. [. . . ], baha ba Kraist. Bamna Kraist dukia sma kaka, man nani lika Ebraham kiamka.”

(Galesha 3:​16, 29)

“Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

(Param Marikanka 11:​15)

“Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.”

(Param Marikanka 12:9)

“Naha insalka na dragunka ba alkan, baha piutka almuk ba, witinka dibil bara Sitan ba, bara witin ba priskan mani 1,000 prais kat.”

(Param Marikanka 20:2)