“Trabil taki lukisma ba, Dawan ra swis;bara witin minam pirwras kira mai bri kabia; witin mai swika kauhma apia, baha uplika ai bîla wali ba.”

(Lawana 55:​22)

“Aman pali luki kaiki daukan dukia nani ba sut pain takisa; sakuna istikira man daukan dukia ba, sut slingwi tiwisa.”

(Sins Lâka 21:5)

“Si bripara, kan yang lika man wal sna, dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.”

(Aiseya 41:​10)

“¿Bamna ani uplika man nani tilam wina sip sa trabil taki luki ba mita kau awar kum raya kaia?”

(Matiu 6:​27)

“Bamna yauhka yua ba dukiara trabil taki lukpara, kan yauhka ba piua bâra kabia trabil taki lukaia. Kan yua bani ba silp ai trabilka nani brisa.”

(Matiu 6:​34)

 “Bamna, man nani nahki sma ba aman kaiki bas, sins aitani briras nani ba baku kapara, sakuna sinskira nani bas. Piua brisma na pain yus muni bas, kan yua nani na saura sa.”

(Epesus 5:​15, 16)

“Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis. Bara Gâd ai kupia kumi lâka bara upla tânka briaia praiska sut pura lui ba, witin maikbia; bara naha kupia kumi lâka na, man kupiam nani lukanka nani sin main kaiki kabia, Kraist Jisas wal asla.”

(Pilipai 4:​6, 7)