“Kasakkira nani ba lika tasbaya ba bri iwbia, ban kaia ra sin baha tasbaya ra iwi kabia.”

(Lawana 37:​29)

“Tasba ba, aihka takras ban bâra sa.”

(Smasmalkra 1:4)

“Ban kaia ra ban prura ra, Dawan mita sauhkan kabia; mawan nani wina, Dawan mita nakra laya nani sut diki sâkbia bara tasba aiska wina ai uplika nani swira lâka ba bri sâkbia.”

(Aiseya 25:8)

“Bâra mika nakra prakan nani nakra ba diara kaikbia, kiama prawan nani kiama ba sin walbia; bâra mika skahwa nani ba sula srutwi pâli baku srutwi kabia, bara baha nani sturi aisaras twisa nani ba sin ai pura winbia. Upla iwras tasbaya, tasba lâwan wina lî kârma nani sin takbia.”

(Aiseya 35:​5, 6)

“Witin nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin; kan diara almuk nani ba sut lui wan sa.”

(Param Marikanka 21:4)

 “Utla nani mâki ba, baha watla nani ra iwbia wain nasla nani mangkbia, bara baha mâ nani ba wina ai pata pibia. Witin nani utla mâkbia apia, upla wala kra iwbia dukiara, witin nani sin mangkbia apia, upla wala baha wina pibia dukiara; kan dus nani rayaka yua bri ba baku, yang upliki nani rayaka yua sin yari bribia, yang upliki nani bâk saki briri ba ai mihta warkka nani liliaka ba bribia.”

(Aiseya 65:​21, 22)