Lisin 1

Nahki pliki kaikaia sip sma Gâd dia makabi ba

Dia maisapahkanka yamni Baibil ra sa ki? (1)

Ya ba Baibil papaskra sa ki? (2)

Dia muni man Baibil staditakaia sma ki? (3)

1. Baibil ba Gâd prisantka painkira kum sa. Aisa kum ai luhpia nani ra wauhtaya kum ulbi bliki ba baku sa. Gâd tanka kasak ba wan wisa: witin ba ya bara ani ba ai lâka nani sa sapa sin. Nahki trabil nani wapnika mangkaia ba bara rait aihwa liliaka nahki pliki sakaia ba tanka sin marikisa. Gâd yamni wan kaikbia dukyara dia daukaia ba, Baibil ra baman wan wisa (Lawana 1:1-3; Aiseya 48:17, 18).

2. Baibil ba 1.600 mani bilara ulban, bara 1513 yawan pyua nina manka wina waitna 40 mita ulbi ta krikan. Buk sirpi 66 brisa. Gâd spiritka mita munan ulban, wibia sa kaka, Gâd lukanka nani ba laki ulban, silp ai lukanka nani lika apia. Baku bara Baibil papaskra ba tasba uplika kumi sin apia sa, ban sakuna Gâd heven ra ba sika (2 Timoti 3:16, 17; 2 Pita 1:20, 21).

3. Gâd mita daukan Baibil ba pain ulbi yawan pyua kat sin bri kaia. Buk nani sut tila wina Baibil ba kau ailal ulbi sakan sa. Baibil stadi takma ba upla sut pain kaikbia apia, sakuna baha mai takasbiara. Mapara buanka takbia sin, Gâd ra kakaira taki ai kupia laka daukma kaka, kainara ban kaiara iwma (Matyu 5:10-12; Jan 17:3).