LISIN 15
Yawan dîa aisi ba kasak luki marikaia
1 Tesalonaika 1:5
BÎLA PRAHNI RA: Dîa aisisma ba, rait kasak lukisma ba pain mariks bara upla nani mai walaia nit ba sin.
NAHKI DAUKAIA
-
Pain ridi taks. Smalkanka aiska stadi muns lukanka tara nani tânka brima ba kat bara nahki Baibil ba baha nani dukiara aisisa. Lukanka nani ba tnatka isi bara bîla prahni ra aisas. Smalkanka ba nahki mai wali nani ra hilp munbia ba ra luks. Jehova ra makas spirit holikira maikbia.
-
Dîa bîla nani yus munaia. Wauhtaya kum ra dîa pali ulban ba wiaia watlikara, man nahki tânkam brisma ba kat aisas. Bîla pain nani wahbi sâks bara baha wal mariks dîa wisma ba kasak lukisma.
-
Kasak lukisma ba kupiam wina mariks. Pitka kat bîlam baikra karna wal aisas. Mai wali nani nakra ra kaiks, saura apia sa kaka.
