LISIN 6
Baibil tikska nani ba pain tânka marikaia
Jan 10:33-36
BÎLA PRAHNI RA: Tiks kum aisi kaikisi tânka wala ra ban tawaia ba daukpara. Trai kaiks mai wali nani ba kaikbia, tikska aisi kaikisma ba wihki man smalkankam ba wal wilkanka brisa.
NAHKI DAUKAIA
-
Bîla kau tânka tara bri nani ba mariks. Baibil tikska kum aisi kaikma ningkara, ani bîla nani smalkankam ba wal wilkanka bri ba pain mariks. Baha daukaia dukiara, ani bîla kau tânka tara bri ba kli kli wis, apia kaka makabi walanka kum wal wali nani ra hilp muns baha bîla nani pali sâkbia.
-
Pîska ba pain mariks. Tiks kum aisi kaikras kainara dîa dukiara sa wima kaka, ningkara pain marikaia sma ani bîla nani wilkanka brisa tâura lukanka wiram ba wal.
-
Tânka isi mariks. Ani tânka nani smalkanka plamaika ba wal wilkanka briras kaka yus munpara. Mai wali nani ba dîa pât nu ba man tânka briram taim, nanara laki kaiks lukanka an yus munma smalkankam ba klir kabia dukiara.
