¿Jehova kupia lâka daukma ki?
Tingki tara maikisa naha wauhkataya aisi kaikram ba dukiara. Baku natka ra kau pain yawan ra kakaira takram, wan warkka bara asla takanka ba sin. Yawan bîla kaikisa naha wauhkataya hilp mai munan tânka briaia Jehova Witniska nani baman Gâd kupia lâka daukisa naiwa piua ra. Mai paiwisa kau Gâd ra kakaira takma. Pamalikam apia kaka pânikam ra aisas dîa lan takisma ba dukiara. Baku sin, yawan aikuki aidrubanka nani ra was (Hibru Nani 10:23-25).
Jehova dukiara kau lan taki wama taim, Witin latwanka lâka ba sin kau pain tânka brima. Baha ba kupiam bukbia pana sin Gâd ra latwan kaikaia (1 Jan 4:8-10, 19). Baha mita, ¿nahki muni rayakam ra marikaia sip sma Gâd ra latwan kaikisma ba? ¿Dîa muni rug lâka wina sait ra kaia sma? ¿Dîa hilp mai munbia Gâd kupia lâka daukaia brinka ba kau karna daukaia? Baibil stadika maiki uplika ba hilp mai munbia naha makabi walanka nani ansika sakaia. Baha natka ra pamalikam wal “Gâd latwanka lâka ra ban” kama bara naika piua ra raya ban kaia lâka brima (Judas 21).
Mai paiwisa tânka kasak ba kau pain lan takma. Naha bukka ba hilp mai munbia naha daukaia dukiara:
Baha sin laik kaikma
WAN WARKKA
¿Dîa muni Baibil stadi takaia sa?
Tasba aiska ra Baibil ba upla milian milian ra hilp munisa makabi walanka tara nani ba ansika briaia. ¿Baha uplika nani tilara kaia want sma ki?
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
