SMALKANKA 04
¿Gâd ba ya sa ki?
Blasi pali yua ba wina upla nani ba gâd ailal ra mayunan sa. Sakuna Baibil wisa “wan Gâdka ba tara sa, gâd wala nani ba wal” (2 Kronikas 2:5). ¿Naha Gâdka ba ya sa ki? ¿Bara dîa muni naha Gâdka kau tara sa gâd wala nani upla mayuni ba wal? Gâd want sa witin ra kakaira takma, bara naha smalkanka ra baha dukiara sip sma lan takaia.
1. ¿Gâd nina dîa, bara dîa marikisa witin want sa ai nina ba yawan kakaira takbia?
Baibil ra Gâd mita wan wisa ai nina ba: “Yang sika Jehova. Baha ba yang nini sa” (Aiseya 42:5, 8, TNM aisi kaikma). Jehova nina ba Hibru bîla wina lakisa, bara tânka pliki kakaira ailal ba wisa baha nina tânka sika, “witin daukisa diara nani takbia”. Jehova want sa ai nina ba yawan kakaira takbia (Impakan Sturka 3:15). ¿Baha ba yawan nahki nu sa? Kan witin daukan ai nina ba aima 7.000 prais kau pura Baibil ra ulbia. a Gâd rait aihwa nina ba sika Jehova, “kasbrika pura bara tasba ra sin witin baku wala âpu sa” (Kli Smalkanka 4:39).
2. ¿Baibil ba Jehova dukiara dîa wan aisisa?
Baibil bila, upla nani gâd nani mayuni ba tilara, kumi baman bâra sa rait aihwa ba, baha sika Jehova. ¿Dîa muni? Tânka ailal bâra sa. Jehova karnika kau tara brisa, witin “baman Laih Purara” iwi ba “tasba aiska ra” (Lawana Nani 83:18 aisi kaikma). Witin “karnika sut bri ba”, baha mita dîa dîa daukaia want ba kat witin daukisa. Baku sin witin Papaskra sa, witin “diara sut” paskan: slilma nani tani ra bara rayaka sut Tasba ra bâra ba witin paskan (Param Marikan 4:8, 11). Baku sin, Jehova diara sut kau paskras kaina ra witin pat bâra kan, bara ban kaia ra ban bâra kabia (Lawana Nani 90:2).
KAU LAN TAKS
Kaiks, nahki tnatka ra Gâd nina pali ba sât wala sa, kulkanka bîla nani ba wal. Baku sin, lan taks nahki tnatka ra witin ai nina ba wan marikisa, bara dîa muni witin want sa ai nina ba yawan nu takbia.
3. Gâd ra kulkanka bîla ailal yabisa, sakuna ai nina pali ba kumi baman sa
Upla ai nina pali ba wihki kulkanka bîla yabi ba wal nahki sât wala ba tânka briaia dukiara, LILKA ba kaikma, bara naha dukiara aisi banhma:
-
¿Kulkanka bîla kum wihki nina pali kum ba wal nahki sât wala sa, dawan wi ba baku?
Baibil bila upla manis gâd ailal bara dawan ailal ra mayunisa. Lawana Nani 136:1-3 aisi kaikma, bara naha dukiara aisi banhma:
-
¿Ya sa ki gâd nani Gâdka ba, bara “dawan nani Dawanka” ba?
4. Jehova want sa ai nina nu takma bara mâki winma
¿Yawan nahki nu sa Gâd ba want sa ai nina ba nu takma? LILKA ba kaikma, bara naha dukiara aisi banhma:
-
¿Man dîa lukisma, dîa muni Jehova want sa ai nina ba upla nani nu takbia?
Jehova want sa ai nina ba upla nani mâki winbia. Roman 10:13, (TNM) aisi kaikma, bara naha dukiara aisi banhma:
-
¿Dîa muni tânka tara brisa ki Jehova nina ba yawan mâki winaia?
-
¿Man nahki damra walisma ki upla kum man ninam mâki winisa taim?
-
¿Man dîa lukisma Jehova nahki ai dara walisa man bui witin nina mâkisma taim?
5. Jehova want sa man ba witin pânika takma
Camboya kuntrika wina mairka kum nina Soten win, Gâd nina lan takaia ba diara kau tara sa wan rayaka ra. LILKA ba kaikma, bara naha dukiara aisi banhma:
-
Lilka ra kaikan baku, ¿Soten ba nahki ai dara walan Gâd nina ba nu takan taim?
Upla kum wal pâna takaia wisi, pas tâura witin nina ba yawan nu takisa. Jems 4:8 pas pîska aisi kaikma, bara naha dukiara aisi banhma:
-
¿Man dîa daukma Jehova want sa?
-
¿Man lukisma Gâd nina ba nu taki bara mâkisma kaka witin wal kau asla kama ki? ¿Dîa muni baku lukisma?
UPLA KUM KUM NAKU LUKISA: “Gâd kumi baman bâra na ra nina sât sât yawan mâkaia sip sa”.
-
¿Man lukisma ki Gâd nina pali ba Jehova?
-
¿Nahki upla wala nani ra marikaia sip sma Gâd want sa ai nina ba yawan mâki winbia?
DÎA LAN TAKRAM
Gâd rait aihwa nina ba sika Jehova. Witin want sa ai nina ba yawan nu taki mâkaia, bara baku witin wal yawan asla pali kabia.
Wan kupia krawaia
-
¿Jehova nahki sât wala sa gâd bahki nani ba wal upla mayuni ba?
-
¿Dîa muni yawan Gâd nina ba mâki winaia sa?
-
¿Jehova want sa ki man ba witin wal asla pali kama? ¿Baha ba man nahki nu sma?
KAU PLIKI KAIKS
Tânka 5 ba stadi muns, baha wan marikisa Gâd bâra ba.
Tânka pliki kaiks, dîa muni yawan kasak lukaia sip sa diara sut kau paskras kaina ra Gâd pat bâra kan ba.
Kaiks dîa muni Gâd nina ba mâki winaia sa, patitara piua ra baha nina nahki aisi kan ba yawan nu âpu kabia sin.
¿Rait pali Gâd nina ba yawan mâki winaia nit sa ki? Kaiks dîa muni yawan lukaia sip sa Gâd ai nina kumi baman brisa.
a Gâd nina tânka bara dîa muni Baibil kum kum wina baha nina diki sakan ba kau nu takan mai daukisa kaka, Pîska Baibil stadi takaia hilpka ulbi sakanka ra plikaia sip sma.
Baha sin laik kaikma
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
