SMALKANKA 05
Baibil ba Gâd bîla sika yawan sut dukiara
Jehova prisant pranakira kum wankan sa: baha sika Baibil ba, buk 66 brisa. Ban kra makabi walma: “¿Baibil ba ani wina balan? ¿Baibil lukanka ba ya wina takan?”. Baha tânka briaia dukiara kaisa kaikaia nahki Gâd bîla ba nawas piua ba kat ban bâra sa.
1. Baibil ba upla ulban kaka, ¿nahki Gâd lukanka ba brisa?
Baibil ba 40 waitna nani ulban, witin nani tilara bâra kan sîp main kakaira, inska mamiskra bara king. Mani 1513 yawan piua ninara Baibil ulbaia tâ krikan, bara mani 98 yawan piua ba kat danh takan. Baku bamna, 1.600 mani nani bilkara Baibil ba ulban. Ban sakuna, Baibil ba silp ai mapara aisaras. ¿Dîa muni baku sa? Kan Gâd lukanka ba brisa (1 Tesalonaika 2:13 aisi kaikma). Naha waitnika nani na “ai kupia wina diara saki aisaras kan, sakuna witin nani lika upla nani kan, bara Spirit Holikira mita tâ bri kan” a (2 Pita 1:21). Gâd ai spiritka holikira ba naha waitnika nani ra yabi tâ brin, bara baku Gâd lukanka kat witin nani ulban (2 Timoti 3:16).
2. ¿Ya nani Baibil briaia sip sa?
“Nisan sât bani ra, taika bani ra, bîla sât bani ra, upla nani sut ra sin” chanska ba yabisa Baibil smalkanka ba wina yamnika briaia (Param Marikan 14:6 aisi kaikma). Gâd win Baibil ba nisan nani sut bara upla sut ai bîla kat laki yabia. Baha mita, Baibil ba patitara piua ba wina kau bîla lakisa buk wala nani ba wal. Tasba aiska ra upla aihkika nani ba nu takaia sip sa Baibil dîa wi ba, anira iwbia bara ani bîla aisabia kra sin.
3. ¿Jehova nahki Baibil ba kaina kahban sa?
Baibil ba isti aisawaia dukia nani ra ulban. Wauhtaya karban yus munan daiwan taya ni paskan ba, bara dus taya kum ni paski kan ba ra sin ulban, nina papiro. Sakuna waitna nani Baibil latwan kaiki kan ba ai mihta ni wauhtaya ailal ulbi sakan, dîa ulbi kan ba aman kaiki dauki kan diara wala ulbaia apia dukiara. Upla ailal kulkanka tara bri kan ba want kan Baibil sauhki tikaia, sakuna upla bâra kan ai rayaka pât ra dingki Baibil kaina sunan. Jehova upla nani wal aisaia want sa Baibil bâk bara upla kumi sin baha sip alki takaskras. Baibil ra ulban sa: “Wan Gâdka bîla ba ban bâra sa ban kaia ra” (Aiseya 40:8).
KAU LAN TAKS
Kaisa kau tânka briaia nahki Gâd ba ai spiritka holikira waitna nani ra yaban Baibil ulbaia. Baku sin, yawan kaikbia nahki Gâd ba Baibil kaina kahban bara witin dîa daukan upla nani sut Baibil bribia dukiara.
4. Baibil ba ya wina balan ba tânka wan marikisa
LILKA ba kaikma. Ningkara 2 Timoti 3:16 aisi kaikma, bara naha dukiara aisi banhma:
-
Baibil ba upla ulban kaka, ¿dîa muni yawan wisa Gâd Bîla sa?
-
Man dîa lukisma, ¿yawan kasak lukaia sip sa Gâd lukanka ba Baibil ulban waitnika nani ra laki yaban?
Upla kum mita wala ra adar yabisa wauhtaya kum ulbi blikaia, baha mita wauhtaika ra witin lukanka ba kat ulbisa. Sim baku, Gâd mita waitna kum kum ra adar yaban Baibil ulbaia, ban sakuna lukanka ulban dawanka pali ba sika Gâd.
5. Upla kum kum Baibil sauhki tikaia want kan sakuna sip apia munan
Baibil ba Gâd wina balan kaka witin kaina kahbaia sa. Patitara piua ba wina gabamint kum kum ba Baibil sauhki tikaia want kan. Baku sin, church tâ uplika kum kum want apia kan upla nani ba Baibil aisi kaikaia. Baku kan, sakuna upla ailal ai rayaka ba pât ra dingkaia wilin kan, bara baku Baibil ba kaina kahban witin nani ra ikaia win kuna. Baha nani tila wina waitna kum bâra sa, kakaira takma dukiara, LILKA ba kaikma, bara naha dukiara aisi banhma:
-
Nanara pat nu takram upla ailal trai kaikan Baibil ba kaina kahbaia, ¿baha mita Baibil ba kau aisi kaikan mai daukisa ki? ¿Dîa muni?
Lawana Nani 119:97 aisi kaikma, bara naha dukiara aisi banhma:
-
¿Dîa muni upla ailal ai rayaka ba pât ra dingkaia wilin kan Baibil kaina kahbi bara yuaia dukiara?
6. Upla sut Baibil briaia sip sa
Patitara piua wina Baibil baman upla bîla kat kau lakan sa bara kau yuan sa buk wala nani ba wal. Apastil Nani Sturka 10:34, 35 aisi kaikma, bara naha dukiara aisi banhma:
-
¿Dîa muni Gâd want sa Baibil ba upla bîla kat laki kabia, bara plis ailal ra upla nani bribia?
-
¿Baibil dukiara man dîa lukisma?
Tasba aiska ra upla
100%
baku prais Baibil aisi kaikaia sip sa
bîla aisanka kum witin nani ai tânka briaia sip ba ra
Baibil ba upla bîla kat
3.000
kau pura bâra sa,
Baibil aiska, apia kaka pîska kum
5.000 milian nani
Baku prais Baibil nani imprimir munan sa.
Baibil ba kau ulbi sakan sa wauhtaya wala nani ba wal tasba aiska ra
UPLA KUM KUM NAKU LUKISA: “Baibil ba blasi piua bukka kum sa, bara upla lukanka baman brisa”.
-
¿Man dîa lukisma?
-
¿Yawan nahki nu sa Baibil ba Gâd Bîla sika?
DÎA LAN TAKRAM
Baibil ba Gâd Bîla sa, bara Gâd ai kupia lâka sa tasba aiska ra upla ba Baibil bribia.
Wan kupia krawaia
-
¿Dîa tânka sa ki Gâd mita waitna kum kum ra adar yaban ai lukanka ba Baibil ra ulbaia?
-
Baibil ba upla tikras ban bâra sa, upla bîla kat lakan sa bara upla ra yuan sa, ¿baha dukiara man dîa lukisma?
-
Gâd ba diara ailal daukan Baibil bâk man wal aisaia, ¿baha dukiara man nahki damra walisma?
KAU PLIKI KAIKS
Nahki Baibil ulbi paskan ba kaiks: blasi pali ulbanka nani ba wina, naiwa piua ba kat Baibil bîla lakan ba.
“Baibil ba naiwa piua ba kat nahki ulbi paskan” (¡Despertad! Noviembre, 2007)
Baibil ba nahki waihla yumhpa pura luan ba dukiara aisi kaiks.
“Baibil ba. Nahki pât nani ba pura luan sa” (La Atalaya núm. 4, 2016)
Kaiks nahki upla kum kum ba ai rayaka ba pât ra dingkan Baibil ba bîla lakaia dukiara.
Baibil bîla lakanka nani bara ulbi sakan sâtka ba ailal bâra sa. ¿Yawan nahki nu sa Gâd lukanka ba bahara ulbi upla chens munras kan ba?
“¿Baibil ulbi sakan bîla nani ba chens munan sa ki, apia kaka kau dingkan sa ki?” (jw.org ra kaiks)
a Spirit holikira ba sika Gâd karnika ba, wibia kaka Gâd ai karnika yus munisa ai kupia lâka daukaia dukiara, naha bukka ra smalkanka 7 aisi ba baku.
Baha sin laik kaikma
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
