SMALKANKA 10
¿Nahki tnatka ra sip sa Jehova witnis asla aidrubanka nani ba hilp mai munaia?
¿Jehova witniska nani asla aidrubanka nani ra dimaia pat mai paiwan sa ki? Kau dimras kaka, ban kra sringkam brima pas trip asla aidrubanka ra dimaia. Ban kra wînam kat makabi walma: “¿Jehova witniska nani ba dîa daukisa asla aidrubanka nani ra? ¿Dîa muni witin nani mapara asla aidrubanka nani ba kulkanka tara brisa? ¿Yang sin dimaia sna?”. Naha smalkanka ra lan takma aidrubanka nani ba hilp munisa Gâd wal kau asla kaia, bara nahki man pali ra Gâd hilp mai munaia sip sa.
1. ¿Dîa mata yawan asla aidrubanka nani ra dimisa?
Baibil ulban uplika kum tânka tara ba marikan yawan aidrubaia dukiara, witin naku win: “Aidrubanka tara mawanra, Dawan [Jehova] ba yamni pali sa wimni” (Lawana Nani 26:12). Naiwa piua ra sin Jehova witniska nani ba asla aidrubisa, bara baha mita lilia lâka tara brisa. Tasba aiska ra wik bani asla aidrubisa Gâd ra mayunaia, aiwanaia bara aikuki pura sunaia dukiara. Baku sin, mani bilara aima kum kum dakni kau tara asla aidrubi Gâd ra mayunisa.
2. ¿Wan asla aidrubanka nani ra dîa lan takma?
Asla aidrubanka nani ba ra Gâd Bîla ba dukiara aisisa, bahara Gâd bîla tânka ba klir pali wan marikisa (Nihimaya 8:8 aisi kaikma). Wan asla aidrubanka kum ra dimma kaka, Jehova dukiara kau lan takma, bara ai daukanka yamni nani ba sin. Jehova latwan mai kaiki ba lan takma taim, man want kama witin pânika kaia. Baku sin, man tânka pliki sâkma nahki rayakam ra laman lâka briaia (Aiseya 48:17, 18).
3. ¿Asla aidrubanka nani ra muihni bara lakri nani ba nahki hilp mai munbia?
Jehova wan makabisa “pana pana wan walka nani ra hilp munaia trai kaikaia sa, latwan lâka bri kaia bara diara yamni nani sin dauki kaia. Yawan asla aidrubi lâka dauki ba swiaia apia sa” (Hibru Nani 10:24, 25). Wan asla aidrubanka nani ra upla latwankira nani kakaira takma, bara man baku witin nani sin Gâd wina kau lan takaia want sa. Bahara Baibil smalkanka wan kupia buki ba walma (Roman 1:11, 12 aisi kaikma). Baku sin, upla mayas nani, bara marit takan nani ba wal aisaia sip kama nahki trabil sât sât pura luan ba dukiara. Baha yamnika nani brima dukiara Jehova want sa asla aidrubanka nani ra dimma.
KAU LAN TAKS
Jehova witniska nani ba nahki asla aidrubanka dauki ba kaiks, bara dîa muni yamni pali sa baha nani ra dimaia.
4. Jehova witniska nani asla aidrubanka nani ba
Pas 100 manka piua ra kristian nani ba piua bani asla aidrubi kan Jehova ra mayunaia dukiara (Roman 16:3-5). Kolosi 3:16 aisi kaikma, bara naha dukiara aisi banhma:
-
¿Patitara piua ra pas kristianka nani ba nahki Jehova ra mayuni kan?
Naiwa piua ra sin, Jehova witniska nani ba piua bani aidrubi pliska nani ra Gâd ra mayunisa. Wan asla aidrubanka nani nahki dauki ba nu takma dukiara, LILKA ba kaikma. Ningkara, asla aidrubanka lilkika paskan ba ra kaiks, bara naha dukiara aisi banhma:
-
Kolosi 3:16 dîa aisi ba, bara asla aidrubanka watla kum ra dîa taki ba wal, ¿nahki sim dukia sa ki?
-
Lilka nani kaiki ba ra, ¿man dîa painkira kaikram wan kristian aidrubanka nani ra?
2 Korint 9:7 aisi kaikma, bara naha dukiara aisi banhma:
-
¿Dîa muni Jehova witniska nani asla aidrubanka nani ra lalah makabras?
Naha wikka ra asla aidrubanka ra dîa stadi munbia ba laki kaiks, Baibil stadika maiki smasmalkrikam ba wal.
-
¿Asla aidrubanka ra dîa stadi munbia ba tilara dîa hilp mai munaia sip ba kaikisma?
¿Nu kapram ki?
Internet jw.org ra nu takaia sip sma wan aidrubanka nani ba anira, bara ahkia dauki kabia tasba aiska ra.
-
Wan asla aidrubanka nani ra Baibil aisanka, marikanka bara lilka nani bâra sa sut ba lawana bara pura sunra kum ba wal tâ kriki bara tnata prakisa.
-
Asla aidrubanka smalkanka kum kum ra, upla nani ba sip sa ai mihta buki aisaia.
-
Upla sut ba yamni balan kabia: waitna, mairin, upla almuk, tuktan nani sin...
-
Jehova witniska nani asla aidrubanka nani ra dimaia dukiara lalah aibapaia nit âpu. Lalah kalik munras.
5. Asla aidrubanka nani ra dimaia dukiara karna trai munaia sa
Jisas pamalika dukiara luks. Nasaret tawanka ra iwi kan, bara Jerusalem tempelka ra mani bani waia dukiara, yu yumhpa wapaia kan il nani tilara. Luk 2:39-42 aisi kaikma, bara naha dukiara aisi banhma:
-
¿Jerusalem ra waia ba isi apia kan lukisma?
-
Bara man mampara, ¿dîa dukia nani pura luaia sma asla aidrubanka nani ra dimaia dukiara?
-
¿Man lukisma aidrubanka ra dimaia karna trai munaia ba pain sa? ¿Dîa muni?
Baibil ba wan smalkisa diara tara sa asla aidrubaia Jehova ra mayunaia dukiara. Hibru Nani 10:24, 25 aisi kaikma, bara naha dukiara aisi banhma:
-
¿Dîa muni yawan piua bani asla aidrubaia lâka ba briaia sa ki?
UPLA KUM KUM NAKU LUKISA: “Asla taki Gâd ra mayunaia nit âpu sa. Rilidian ba upla silp ai lâka kat daukaia sip sa”.
-
¿Ani tikska bara ani Baibil tânka wan marikisa Jehova dîa wan makabi ba?
DÎA LAN TAKRAM
Asla aidrubanka dimaia ba kau chans maikbia Jehova wina lan takaia, Jehova wal kau asla kama, bara upla wala nani aikuki witin ra mayunaia.
Wan kupia krawaia
-
¿Dîa muni Jehova wan paiwisa asla aidrubanka nani ra dimaia?
-
¿Jehova witniska nani asla aidrubanka nani ra man dîa lan takma?
-
¿Man lukisma asla aidrubanka nani ba tnatka wala ra hilp mai munaia sip sa?
KAU PLIKI KAIKS
¿Asla aidrubanka nani ra dimaia sringkam brisma ki? Waitna kum, baku ai dara wali kan sakuna las kat painkira kaikan. Kaiks dîa muni.
Wahma kum ra kakaira taks nahki asla aidrubanka nani ba painkira kaiki kan bara dîa dauki kan piua bani dimi kaia dukiara.
Upla wala asla aidrubanka nani dukiara dîa luki ba aisi kaiks.
“¿Dîa muni aitani sa ki asla aidrubanka nani ra dimaia?” (jw.org ra kaiks)
Tânka pliki kaiks nahki waitna rau mamunra kum ba ai rayaka ba chens munan Jehova witniska nani asla aidrubanka nani ra diman taim.
“Plis nani sut ra pistalki wal tauki kapri” (La Atalaya julio 1, 2014)
Baha sin laik kaikma
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
