SMALKANKA 11
Man nahki sip sma Baibil aisi kaiki yamnika tara ba briaia
¿Wark tara kum daukaia lukram ki, sakuna uba karna kaikram? Ban kra uya karna takbia apia dukiara tawa tawa baha warkka daukram. Baibil aisi kaikaia warkka ba sim baku sa. Wînam kat mamkabi walaia sip sma: “¿Ani pîska ba pas aisi kaikamna?”. Naha smalkanka ra yawan nu takbia nahki sip sa liliakira Baibil aisi kaiki bara stadi munaia.
1. ¿Dîa muni yu bani Baibil aisi kaikaia ba pain sa?
Upla kum yu bani Jehova bîla aisi kaiki ba, wibia kaka, “Dawan lâka ra” luki ba lilia kabia bara diara dauki ba yamni takbia (Lawana Nani 1:1-3 aisi kaikma). Pas tâura trai kaiks, minit kum baman Baibil ba yu bani aisi kaikaia. Gâd Bîla ba kau tânkam brima kaka kau lilia aisi kaikma.
2. ¿Dîa hilp mai munbia Baibil aisi kaiki yamnika sakaia?
Baibil aisi kaiki yamnika briaia dukiara, yawan dîa aisi kaiki ba minit kum takaski aman luki kaikaia sa. Baibil ba aisi kaikaia baman apia sa, “bahara dîa daukaia ulban ba dauki kaia dukiara” lukaia sa (Jasua 1:8). Baibil ba aisi kaikuma taim, wînam kat mamkabi wals: “¿Naha borska nani na Jehova dukiara dîa ai smalkisa? ¿Yang rayaki ra nahki sip sna alki daukaia? ¿Naha borska nani nahki yus munamna upla wala ra hilp munaia dukiara?”.
3. ¿Nahki sip sma taim sakaia Baibil ba aisi kaikaia dukiara?
¿Taim âpu sma Baibil aisi kaikaia dukiara? Upla ailal sim sât lukisa. Sakuna “piua brisma na pain yus muni bas” (Epesus 5:16). Baha mita yua bani taim kum swis, baha taimka ra Baibil aisi kaikaia dukiara. Upla kum kum ba titan pali ra aisi kaikisa. Wala nani ba tutni ra aisi kaikisa, ban kra plun piaia awarka ra. Baku sin, upla kum kum tihmia ra kau yapras kainara Baibil aisi kaikisa. ¿Man mampara dîa taim kau pain kabia Baibil aisi kaikaia?
KAU LAN TAKS
Kaisa laki kaikaia dîa daukaia sip sa Baibil aisi kaiki yamnika ba sâkbia dukiara. Tnatka kum kum nâra sa, baha wal yawan ridi takbia Baibil stadika nani briaia bara baku yamnika tara sâkbia.
Plun sâtka wala piaia yawan lan taki ba baku, yawan sip sa liliakira Baibil aisi kaiki lan takaia
4. Liliakira Baibil aisi kaiki lan taks
Ban kra isi apia sa pas trip Baibil aisi kaiki tâ krikaia. Ban sakuna, Baibil aisi kaikaia ba plun piaia baku sa, ban kra plun sâtka kum auhni kaikras, sakuna tawa tawa lika kaikma baha pata ba “plun mai dauki ba”, sim baku Baibil aisi kaikma ba ra, kau aisi kaikan mai daukbia. 1 Pita 2:2 aisi kaikma, bara naha dukiara aisi banhma:
-
¿Man lukisma yu bani Baibil aisi kaikisma kaka kau aisi kaikan mai daukbia, bara piua bani kau want kama Baibil aisi kaikaia?
LILKA ba kaikma, bara nu takma wahma tiara nani ba dîa daukan liliakira Baibil aisi kaikaia dukiara. Ningkara naha dukiara aisi banhma:
-
¿Wahma bara tiara nani lilka ra kata ba dîa pura lui banhwan?
-
¿Witin nani ra dîa mita hilp munan tayat takaia apia?
-
¿Witin nani dîa daukan kau liliakira Baibil aisi kaikaia dukiara?
Naku dauki tâ kriks:
-
Baibil ulbanka ra mistik âpu bara naiwa piua ra upla nahki aisi ba kat kum wahbi sâks. Naha Baibilka na plikaia sip sma Traducción del Nuevo Mundo bîlam kat bâra sa kaka.
-
Baibil sturka nani kau nu takan mai dauki ba aisi kaiks. Baha nahki dauki nu takma dukiara naha bakska na kaiks “Nahki tnatka ra pas trip Baibil aisi kaikaia”.
-
Ani kat aisi kaikisma ba ulbi bri bas. Naha bakska na yus muns “Baibil aisi kaikisna ba nahki auya”, bukka na ra takisa.
-
Aplicación JW Library®ba yus muns. Teléfono, apia kaka dispositivo wala ra alahbi brima kaka, plis bani ra Baibil aisi kaiki bara walaia sip kama.
-
Naha sin yus muns ulbi sakanka nina ba Baibil stadi takaia hilpka. Bahara map bara baks nani kaikma Baibil aisi kaikma dukiara.
5. Baibil stadika bani dukiara ridi taks
Lawana Nani 119:34 aisi kaikma, bara naha dukiara aisi banhma:
-
¿Dîa muni yamni sa puram sunaia Baibil ba kau aisi kaikras kainara, bara Baibil stadika kau briras kainara?
¿Nahki sip sma Baibil stadika ba wina yamnika kau tara sakaia? Naha Baibil stadika na brima piua ra smalkanka nani ba naku tnatka ra ridi dauks:
-
Smalkanka bani ra, ulbanka nani sut pas pîska ra taki ba aisi kaikma.
-
Baibil tikska nani sut pliki aisi kaikma, smalkanka stadi munisma ba wal asla praki kaikma.
-
Makabi walanka nani ba dukiara ani pîska nani tânka tara bri ba mark muns. Baha hilp mai munaisa Baibil stadika smasmalkrika ba wal laki kaikaia.
¿Nu kapram ki?
Jehova witniska nani ba Baibil bîla lakanka sât sât yus munisa, sakuna Traducción del Nuevo Mundo Baibilka ba kau yus munisa kan kau klir bara kau param aisisa bara Gâd nina ba brisa (jw.org ra naha kaiks: “¿Jehova witniska nani ba silp ai Baibilka brisa ki?”).
UPLA KUM KUM NAKU LUKISA: “Yang maipara Baibil stadi takaia ba uba karna sa, brinki apia sa bara taim sin âpu”.
-
¿Bara man dîa lukisma?
DÎA LAN TAKRAM
Baibil yamnika tara sut sakaia dukiara, yu bani taim kum swis Baibil aisi kaikma dukiara, Gâd ra makas hilp mai munbia tânka briaia, bara Baibil stadika maiki ba dukiara ridi taks.
Wan kupia krawaia
-
¿Dîa hilp mai munbia Baibil yamnika tara ba sakaia?
-
¿Yua kum bilkara dîa taim man sip sma silp Baibil aisi kaiki bara stadi munaia?
-
¿Dîa muni pain pali sa ki Baibil stadika maiki ba dukiara ridi takaia?
KAU PLIKI KAIKS
Tânka kum kum laki kaiks, baha hilp mai munaisa Baibil aisi kaikisma ba wina yamnika tara sakaia.
Tnatka yumhpa bâra sa Baibil aisi kaikaia dukiara.
Tânka pliks nahki liliakira Baibil aisi kaikaia.
Kaiks nahki upla kum kum ba pat aihwa wina liliakira Baibil aisi kaikisa.
Yawan silp Baibil stadika ba hilp wan munisa Gâd Bîla ba kau kasak lukaia (2:06)
Baha sin laik kaikma
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
