SMALKANKA 27
¿Jisas pruanka ba nahki swaki wan sakisa?
Pas upla nani Gâd paskan ba, Adam Iv wal, Gâd bîla walras kan bamna, yawan saurka lâka daukisa, pât wahwisa bara pruisa. a Sakuna yawan ba bîla kaikanka kum brisa. Jehova bui saurka lâka bara prura wina swaki wan sakaia dukiara, ai Luhpia Jisas Kraist ba sakripais ra yaban. Baibil smalkisa Jisas pruanka ba wal pri wan sakaia mana aibapan sa. Pri sakaia mana ba sika, diara aibapaia sa upla kum ra swaki sakaia dukiara. Pri wan sakaia mana Jisas aibapan ba sika ai rayaka saurka âpu ba (Matiu 20:28 aisi kaikma). Jisas ba naha Tasba ra raya ban kaia lâka briaia sip kan, sakuna witin ba wilin kan pruaia, bara baku yabal kum kwâkan Adam Iv wal dîa lus tiwan ba upla ba kli briaia. Jisas sin marikan nahki witin bara Jehova latwan wan kaikisa. Naha smalkanka na hilp mai munbia Jisas pruanka ba dukiara kau tingki lukaia.
1. ¿Naiwa piua ra Jisas pruanka ba nahki hilp wan munisa?
Yawan saura sa, baha mita Gâd dîa laik apia ba yawan daukisa. Sakuna Jisas nina ra Jehova ra makabaia sa padin wan munbia bara wan kupia laki kli saurka lâka daukras kaka, yawan sip sa Gâd pânika takaia (1 Jan 2:1). Baibil ba wisa: “Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara” (1 Pita 3:18).
2. ¿Naika piua ra Jisas pruanka ba nahki hilp wan munbia?
Jehova ai Luhpia blikan ai rayaka saurka lâka âpu ba yabaia dukiara, bara “ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia” (Jan 3:16). Jisas baha daukan ba mita, tisku piua ra Jehova bui Adam bîla walras kan pâtka nani ba wapni mangkbia. Tânka ba sika, Jisas sakripaiska ba yawan kasak lukbia kaka, raya ban kaia lâka ba yawan bribia naha Tasba na paradais kum takbia taim (Aiseya 65:21-23).
KAU LAN TAKS
Wan tânka bribia dîa muni Jisas ai rayaka yaban, bara nahki baha yamni mai munisa.
3. Jisas pruanka ba saurka lâka bara prura wina pri wan sakisa
LILKA ba kaikma, bara naha dukiara aisi banhma:
-
Adam ba Gâd bîla walras kan taim, ¿dîa chanska pranakira lus tiwan?
Roman 5:12 aisi kaikma, bara naha dukiara aisi banhma:
-
Adam saurka lâka daukan bamna, ¿man mampara nahki saura mai munisa?
Jan 3:16 aisi kaikma, bara naha dukiara aisi banhma:
-
¿Dîa mata Jehova bui ai Luhpia ba Tasba ra blikan?
-
Adam ba saurka luha kan, sakuna witin Gâd bîla walras kan taim upla nani sut ra saurka lâka bara prura ba luan
-
Jisas ba waitna kum saurka luha kan, bara witin lika Gâd bîla walan. Baha mita upla nani sut ba saurka luha, ban kaia ra iwaia sip kabia
4. Jisas pruanka ba upla nani sut ra yamni munaia sip sa
LILKA ba kaikma, bara naha dukiara aisi banhma:
-
¿Nahki muni upla kumi pruanka ba upla nani sut ra yamni munisa?
1 Timoti 2:5, 6 aisi kaikma, bara naha dukiara aisi banhma:
-
Adam ba saurka luha kan, sakuna saurka daukan ba mita, upla sut ra saurka lâka bara prura laki yaban. Jisas sin saurka luha kan, ¿nahki Jisas rayaka sakripais ra yaban ba saurka bara prura wina swaki wan sakisa?
5. Pri sakaia mana ba Jehova wina prisant kum sa man dukiamra
Jehova pânika nani ba pri sakaia mana ba prisant kum baku kaikisa. Naha tikska ra dîa aisi ba luki kaiks, Galesha 2:20 aisi kaikma, bara naha dukiara aisi banhma:
-
¿Apastil Pal bîla win ba wal nahki marikan pri sakaia mana ba witin dukiara prisantka kum kan ba?
Adam saurka lâka daukan taim, witin bara ai kiamka sakan sut ba prura pâtka ra diman. Sakuna Jehova ai Luhpia ba Tasba ra blikan pruaia, bara baku man sip sma raya ban kaia lâka ba briaia.
Naha borska nani aisi kaikma taim, luki kaikma nahki Jehova ai dara walan ai Luhpia ba panis wahwan taim. Jan 19:1-7, 16-18 aisi kaikma, bara naha dukiara aisi banhma:
-
Jehova Jisas wal man dukiamra dîa daukan ba lukisma taim, ¿nahki damra walisma?
UPLA KUM KUM MAKABI WALISA: “¿Nahki muni upla kumi pruanka ba upla nani sut ra swaki sakisa?”.
-
¿Baha dukiara man dîa wiaia sip sma?
DÎA LAN TAKRAM
Jisas pruan ba mita, Jehova sip sa padin wan munaia bara raya ban kaia lâka ba wankaia.
Wan kupia krawaia
-
¿Dîa muni Jisas pruan?
-
¿Nahki Jisas rayaka sakripais ra yaban ba pri wan sakisa saurka lâka bara prura ba wina sin?
-
¿Nahki muni Jisas pruanka ba man pali ra yamni munisa?
KAU PLIKI KAIKS
Tânka pliki kaiks dîa muni Jisas pruanka ba pri wan sakaia mana sa.
“¿Nahki muni Jisas sakripaiska ba upla ailal ra swaki sakisa?” (jw.org ra kaiks)
Tânka pliki kaiks nahki saurka lâka bara prura wina swaki wan sakisa.
¿Jehova sip sa saurka lâka tara nani ba padin munaia?
Kaiks nahki Kraist sakripaiska ba waitna kum ra ai daukanka saura nani chens munaia hilp munan ba.
“Rau munan lâka dukia nani wina sait ra takri” (jw.org ra kaiks)
a Saurka lâka ba mistik takaia tânka baman apia sa. Baku sin tânka sa upla nani ba Gâd wina laihura sa Adam kiamka sa bamna.
Baha sin laik kaikma
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
