SMALKANKA 34
¿Yawan nahki marikaia sip sa Jehova ra latwan kaiki ba?
Baibil stadi takisma piua ba wina, ¿man Jehova wal kau asla damra walisma? ¿Man want sma witin wal pâna lâka brisma ba kau karna takbia? Kupiam krauks, man Jehova ra kau latwan kaikma taim witin sin mai kaikbia, bara baku witin latwan mai kaiki main mai kaikbia. ¿Man nahki marikaia sip sma Jehova ra latwan kaikisma ba?
1. ¿Yawan nahki marikisa Jehova ra latwan kaiki ba?
Yawan Jehova bîla walisa taim witin ra latwan kaiki ba marikisa (1 Jan 5:3 aisi kaikma). Sakuna witin taibi wan munras ai bîla walaia, kau ni upla sut ra chans yabisa wahbi sâkbia witin bîla walaia, apia kaka ai bîla walaia apia. ¿Dîa muni? Kan Jehova want sa “kupiam aiska ni witinka” “bîla wali” kama (Roman 6:17). Tânka ba sika, witin want sa man bui ai bîla walma latwan kaikisma ba mita, kuna taiban lâka ra lika apia. Pîska 3 bara 4 naha bukka ra taki ba, hilp mai munaisa lamtwanka lâka ba Jehova ra marikaia tnatka wâl ra: pas ba witin kupia lâka dauki bara wala ba, dîa witin laik apia ba man daukaia apia.
2. ¿Dîa muni isi apia sa Jehova ra wan latwanka lâka marikaia?
“Upla yamni baman dauki ba, pât uya wahwisa” (Lawana Nani 34:19). Yawan sut wan swapnika nani brisa bara baha mapara aiklabisa. Lalah briaia ba dukiara sin yawan trabil takisa, diara nani ba lâ kat takras taim yawan wari takisa, bara trabil sâtka wala mapara aiklabaia sa. Wan rayaka ra diara kum kum isi apia sa taim, karna wan munisa Jehova kupia lâka ba daukaia. Baha tâka mita sam taim isi apia sa Jehova bîla walaia. Ban sakuna kupiam aiska ni Jehova bîla walisma taim, man marikisma diara wala purkara witin ra kau latwan kaikisma. Bara marikisma witin dukiara kasakkira sma ba. Pana sin, man dukiamra witin kasak kabia. Witin lulki mai swibia apia (Lawana Nani 4:3 aisi kaikma).
KAU LAN TAKS
Laki kaiks dîa muni Jehova tara kulkisa witin bîla ba yawan walbia, bara dîa hilp wan munaia sip sa piua bani witin ra kasak kaia.
3. Sitan kunin muni wan dahra sakisa
Baibil ra Job bukka ra aisi ba baku, Sitan ba kunin lâka ra Job dahra sakan, sakuna upla nani sut Jehova kupia lâka dauki nani ba mapara sin. Job 1:1, 6–2:10 aisi kaikma, bara naha dukiara aisi banhma:
-
Sitan kunin aisi lâka ra, ¿dîa muni Job ba Jehova bîla wali kan win? (Job 1:9-11 ba kaikma).
-
¿Sitan ba upla nani sut mapara dîa kunin aisan, bara man mampara sin? (Job 2:4 ba kaikma).
Job 27:5b aisi kaikma, bara naha dukiara aisi banhma:
-
¿Job nahki marikan rait pali Jehova ra latwan kaiki kan ba?
Job kasakkira kan ba mita, ai latwanka lâka ba Jehova ra marikan
Yawan kasakkira sa taim, wan latwanka lâka ba Jehova ra marikisa
4. Jehova kupia lilia dauks
Sins Lâka 27:11 aisi kaikma, bara naha dukiara aisi banhma:
-
Man sins lâka kat diara yamni daukisma piua ra, bara Jehova bîla walisma taim, ¿witin nahki ai dara walisa? ¿Dîa muni?
5. Man sip sma Jehova ra kasak kaia
Yawan Jehova ra latwan kaikisa taim, witin dukiara upla wala ra aisisa. Bara witin ra kasakkira kaia want ba mita yawan upla wala ra smalkisa isi apia kabia sin. LILKA ba kaikma, bara naha dukiara aisi banhma:
-
¿Upla wala ra Jehova dukiara smalkaia karna mai munisa ki?
-
Lilka ra kaikan baku, ¿Grayson ba nahki ai sringka tikan?
Jehova dîa latwan kaiki ba yawan sin latwan kaikisa taim, bara witin dîa misbara kaiki ba yawan misbara kaikisa taim, kau isi sa witin ra kasak kaia. Lawana Nani 97:10 aisi kaikma, bara naha dukiara aisi banhma:
-
Naiwa kat man dîa lan takram ba ra luki, ¿dîa dukia nani Jehova latwan kaikisa? ¿Bara dîa dukia nani witin misbara kaikisa?
-
¿Man nahki lan takaia sip sma diara pain nani latwan kaikaia, bara diara saura nani misbara kaikaia?
6. Jehova bîla walaia ba yamni wan munisa
Jehova bîla walaia ba kau yamni sa. Aiseya 48:17, 18 aisi kaikma, bara naha dukiara aisi banhma:
-
¿Yawan kasak lukaia sip sa Jehova dîa wan makabi ba yamni wan munisa? ¿Dîa muni?
-
Baibil stadi munaia bara Jehova kasak tânka ba, ¿nahki hilp mai munan sa?
UPLA KUM KUM NAKU LUKISA: “Yang dîa dîa daukisna ba Gâd lukras”.
-
Yawan dîa dauki ba wal sip sa Gâd ra lilia daukaia, apia kaka sari daukaia, baha mita ¿ani Baibil tikska wal baha marikma?
DÎA LAN TAKRAM
Man Jehova bîla walisma bara trabil nani tilara sin kasakkira sma taim, lamtwanka lâka ba marikisma.
Wan kupia krawaia
-
¿Job sturka ba wina man dîa lan takisma?
-
¿Man nahki marikma Jehova ra latwan kaikisma ba?
-
¿Dîa hilp mai munbia Jehova mawanra kasakkira kaia?
KAU PLIKI KAIKS
Tânka pliki kaiks nahki sip sma Jehova bara kangrigisan mawanra kasakkira kaia.
Kau lan taks nahki Sitan ba kunin aisi upla dahra sakisa.
“Job kasak lâka ra bapi buan” (Baibil tânka ba ¿ani sa ki?, pîska 6)
Kaiks nahki tuktan nani sin want sa Jehova kupia lilia daukaia.
¿Nahki sip sa tuktan, wahma bara tiara nani ba kasakkira kaia upla wala nani mita witin nani ra traika kaikbia sin saura daukbia dukiara?
Baha sin laik kaikma
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
